មហាជននិយមតាមដានជីវិតសិល្បៈរបស់លោក ងួន សុបិន្ត ច្បាស់ជាបានជ្រាបមកហើយ ពីភាពជោគជ័យរបស់លោកចាប់តាំងពីចាប់ផ្តើមដំបូង ក្នុងនាមជាអ្នកនិពន្ធចម្រៀង អ្នកដឹកនាំសម្តែង និង អ្នកផលិតកម្មវិធីជាដើម។ មិនត្រឹមតែប៉ុណ្ណោះ លោកក៏ជាតារាចម្រៀង និង ជាអ្នកសម្តែងបែបកំប្លុកកំប្លែងមានប្រជាប្រិយភាពមិនចេះរីងស្ងួតទៀតផង។
ងាកមកកាន់ជីវិតឯកជន អាចនឹងមានមហាជនមួយចំនួនតូចបានដឹងថា បច្ចុប្បន្ន លោក ងួន សុបិន្ត មានកូនចំនួន ៣ នាក់ មកហើយ ដោយកូន ២ នាក់ ជាឈាមជ័ររបស់ភរិយាទី ១ ដោយលោកបានលែងលះគ្នាជាច្រើនឆ្នាំមកហើយ។ បច្ចុប្បន្ន លោកក៏ទទួលបានចំណងដៃកូនស្រី ១ រូបទៀត ជាមួយភរិយាក្រោយ ដែលជាអតីតតារាចម្រៀងមួយរូប គឺអ្នកនាង ប៊ី ផងដែរ។
យ៉ាងណាមិញ អ្វីដែលធ្វើឱ្យមហាជនកោតសរសើរដល់លោក ងួន សុបិន្ត ក្នុងនាមជាឪពុក បើទោះមិនបានរស់នៅជុំគ្នានឹងកូនជាមួយភរិយាទី ១ ក្តី តែលោកបានបំពេញតួនាទីបានយ៉ាងល្អ ក្នុងការមើលថែ ទំនុកបម្រុង ចិញ្ចឹមបីបាច់កូនៗ។ ជាក់ស្តែង ថ្មីៗនេះ កូនស្រីច្បងរបស់លោក ងួន សុបិន្ត បានបង្ហោះវីដេអូ ពីការបង្ហាញនូវទំហំក្តីស្រឡាញ់របស់ឪពុកទៅកាន់នាង ធ្វើឱ្យអ្នកគាំទ្រកាន់តែសរសើរដល់លោក ងួន សុបិន្ត៕
សូមចុចទីនេះ ដើម្បីទស្សនាវីដេអូ៖
