នៅរាត្រីថ្ងៃទី ១០ ខែវិច្ឆិកា ឆ្នាំ ២០២៤ កម្មវិធីប្រកួតធ្វើម្ហូបដ៏ធំ MasterChef Cambodia រដូវកាលទី ៣ បានរកឃើញម្ចាស់ជ័យលាភីលេខ ១ ហើយ គឺបានទៅលើបេក្ខជនមកពីខេត្តបន្ទាយមានជ័យ ឃួន សំអន។
ស្របពេលកម្មវិធីបានប្រកាសពីវត្តមានម្ចាស់ជើងឯកសម្រាប់រដូវកាលថ្មីរបស់ខ្លួន ងាកមកអ្នកនាង កែវ រង្សច័ន្ទរស្មី ដែលជាអតីតបេក្ខភាពដ៏ឆ្នើមមួយរូប និង ល្បីខាងមានអត្តចរិតឆ្នាសឆ្នើមជាងគេនៅក្នុងកម្មវិធី MasterChef Cambodia រដូវកាលទី ៣ នោះ ក៏បានបង្ហាញការអបអរសាទរចំពោះ សំអន ចេញពីចិត្តដែរ។
បើរំឭកថយក្រោយកាលពី រស្មី ត្រូវជម្រុះចេញពីកម្មវិធីភ្លាមៗ ពេលនាងត្រឡប់ទៅផ្ទះវិញ ហើយប្រាប់ស្វាមីថានាងបានធ្លាក់ហើយ កាលនោះប្ដីនាងសប្បាយចិត្ត ថែមទាំងរៀបចំជប់លៀងទៀតផង ព្រោះស្វាមី រស្មី មិនឱ្យចង់នាងមកចូលរួមប្រកួតតាំងពីដំបូងមកម្ល៉េះ តែនាងចង់បង្ហាញសមត្ថភាពរបស់ខ្លួនឯង ទើបចូលរួមដាក់ពាក្យប្រកួត។
លើកនេះក៏ដូចគ្នា ពេលកម្មវិធីប្រកាសម្ចាស់ជ័យលាភី រស្មី ស្រាប់តែបង្ហោះវីដេអូមួយនៅយប់ថ្ងៃ ១០ វិច្ឆិកា ដែលជាថ្ងៃលើកពាននោះ ហើយសួរប្ដីថាបើសិននាងជាអ្នកលើកពានតើប្ដីមានអារម្មណ៍បែបណា ចុងក្រោយស្វាមីរបស់ រស្មី នៅតែរក្សាឆ្លើយដើម គឺលោកមិនចង់ឱ្យប្រពន្ធល្បីល្បាញពេកទេ។ សូមទស្សនាវីដេអូខាងក្រោម ៖
