(វីដេអូ) ត្រៀមខ្លួនប្រកួតនៅអន្តរជាតិ! ផន ស្រីពី ដាក់ចិត្តដាក់កាយខ្លាំង តែឆ្លៀតសុំមហាជនរឿងមួយ

រយៈពេលជិត ១ ខែហើយ ដែលកញ្ញា ផន ស្រីពី បានក្លាយជាម្ចាស់មកុដថ្មីនៃកម្មវីធី Miss Cosmo Cambodia 2025 និង កំពុងធ្វើការត្រៀមខ្លួនដើម្បីតំណាងកម្ពុជាចូលរួមប្រកួតកម្មវិធីអន្តរជាតិ Miss Cosmo 2025 ឆាប់ៗខាងមុខ។

យ៉ាងណាមិញ មួយរយៈកន្លងទៅនេះ ក្រៅពីហ្វឹកហាត់ត្រៀមខ្លួនប្រកួត កញ្ញា ផន ស្រីពី ក៏កំពុងបំពេញតួនាទីយ៉ាងសកម្មក្នុងនាមជាម្ចាស់មកុដ Miss Cosmo Cambodia 2025 និង បានបង្ហាញសមិទ្ធផលថ្មីៗលើកមុខមាត់ប្រទេស ដែលត្រូវបានអញ្ជើញចូលរួមកម្មវីធិអន្តរជាតិធំៗលើទឹកដីប្រទេសវៀតណាមបន្តបន្ទាប់។

ដោយឡែក ងាកទៅចាប់អារម្មណ៍ពីការត្រៀមបំពេញបេសកម្មលើឆាកអន្តរជាតិវិញ កញ្ញា ផន ស្រីពី ក៏បានបង្ហាញពីការខំប្រឹងហ្វឹកហាត់ ក៏ដូចជាឆន្ទះដ៏មោះមុតរបស់នាងសម្រាប់ការប្រកួត ប៉ុន្តែអ្វីដែលនាងកំពុងខ្វះខាត និង ត្រូវការបំផុតក្នុងដំណើរការប្រកួតនេះ គឺកម្លាំងចិត្តនៃការគាំទ្ររបស់បងប្អូនមហាជនកម្ពុជា ដោយនាងបានដាក់ចិត្តនិយាយត្រង់ៗចង់ឱ្យមហាជនជួយគាំទ្ររូបនាងដែលតំណាងប្រទេសកម្ពុជា ដើម្បីឱ្យនាងមានកម្លាំងចិត្តក្នុងការប្រកួតលើឆាកអន្តរជាតិខាងមុខកាន់តែលះ កាន់តែជឿជាក់ធ្វើបានល្អផងដែរ៕

សូមចុចទីនេះដើម្បីទស្សនាវីដេអូ៖