មកទល់នឹងពេលនេះ សំឡេងនៃប្រជាជនកម្ពុជាទាំងក្នុង និង ក្រៅប្រទេសនៅតែបន្តប្រកាសប្រាប់ពិភពលោកពីភាពឈឺចាប់នៃការឈ្លានពានរបស់ថៃ និង ទាមទារយុត្តិធម៌ ក៏ដូចជាសន្តិភាពវិញសម្រាប់កម្ពុជាផងដែរ។
ក្នុងនោះ គេបានឃើញបងប្អូនប្រជាជកម្ពុជានៅក្រៅប្រទេសនៅបន្តប្រមូលផ្តុំគ្នាបង្ហាញទៅកាន់ពិភពលោក ថាកម្ពុជា មិនចង់មានសង្គ្រាមនោះឡើយ កម្ពុជាចង់មានសន្តិភាព។
ជាក់ស្តែងកាលពីថ្ងៃទី ០៣ ខែសីហា ឆ្នាំ ២០២៥ កន្លងទៅ តារាសម្តែងជើងចាស់ អម្ពរ ទេវី និង ម៉ៅ សុចន្ធី បានបង្ហាញវត្តមានរួមនឹងប្រជាជនកម្ពុជាប្រមាណ ១៥០០ នាក់ នៅសហរដ្ឋអាមេរិក បានមកប្រមូលផ្តុំគ្នានៅមុខអគារវ៉ាស៊ីនតោន នៃទីក្រុងអូឡាំព្យា ដើម្បីតវ៉ាប្រឆាំងដោយសន្តិវិធី និង ការឈ្លានពានខុសច្បាប់ពីយោធាថៃមកលើបូរណភាពទឹកដីកម្ពុជា៕
សូមចុចទីនេះ ដើម្បីទស្សនាវីដេអូ៖
រូបភាព៖ KAOLY កៅលី & កវី កោសល
