បើគិតមកដល់ពេលនេះ រយៈពេលជិត ២ ឆ្នាំ មកហើយ ដែល Miss Universe Cambodia 2023 កញ្ញា ចន សុទីម៉ា បានតំណាងឱ្យកម្ពុជាចូលរួមប្រកួតកម្មវិធី Miss Universe 2023 នៅឯ El Salvador កាលពីអំឡុងខែវិច្ឆិកា ឆ្នាំ ២០២៣។ កាលនោះ បើទោះជា Miss Universe Cambodia 2023 មិនទទួលបានជ័យជម្នះក្តី ប៉ុន្តែ កញ្ញា ចន សុទីម៉ា ធ្វើបានយ៉ាងល្អសម្រាប់អ្នកគាំទ្រកម្ពុជា។
យ៉ាងណាមិញ ក្រោយគ្រងតំណែង Miss Universe Cambodia 2023 អស់រយៈពេល ២ ឆ្នាំ មកនេះ កញ្ញា ចន សុទីម៉ា ក៏មិនទាន់បានបង្ហាញវត្តមានក្នុងការប្រកួតបវកញ្ញាណាមួយឡើយ ដោយអ្នកគាំទ្រសង្កេតឃើញថា ស្រីស្អាតរូបនេះ កំពុងមមាញឹកខ្លាំងក្នុងវិស័យសិល្បៈ។
លើសពីនោះ បើទោះជាបានបង្ហាញវត្តមានក្នុងការគាំទ្របវរកញ្ញាដទៃក្នុងការប្រកួតនានាកន្លងមក ប៉ុន្តែកញ្ញា ចន សុទីម៉ា នៅតែមិនទាន់ Come back ខណៈអ្នកគាំទ្រជាច្រើនទទូចចង់ឃើញនាងត្រលប់មកលើឆាកប្រកួតបវរកញ្ញាម្ដងទៀត។
ដោយឡែក ថ្មីៗនេះ កញ្ញា ចន សុទីម៉ា បានឆ្លើយតបក្នុងការមិន Comeback របស់ខ្លួនហើយ នៅក្នុងវីដេអូមួយរបស់លោក កន ដែលបានសួរថា៖ «ពេលណានាង Comeback» ភ្លាមនោះ កញ្ញា ចន សុទីម៉ា ប្រកែកយ៉ាងលឿន និង ឆ្លើយថា៖ «មិន Comeback ទេ ព្រោះនាងស្រឡាញ់តំណែង Miss Universe Cambodia 2023 នេះខ្លាំង»៕
សូមចុចទីនេះ ដើម្បីទស្សនាវីដេអូ៖
