មហាជននិយមតាមដាន មាតិកាធ្វើម្ហូបនៅក្នុងបណ្តាញសង្គមនានាច្បាស់ជាបានស្គាល់ហើយ អ្នកគ្រូបង្រៀន លក្ខិណា ដែលតែងតែបង្ហាញពីសកម្មភាពធ្វើម្ហូប និង ការងារសប្បុរសធម៌របស់អ្នកគ្រូក្នុងបណ្តាញសង្គម ជាពិសេសនោះ គឺអ្នកគ្រូតែងតែធ្វើម្ហូបអាហារ នំចំណី និង ចែកសម្ភារផ្សេងៗជាច្រើន ជូនដល់កូនសិស្ស។
យ៉ាងណាមិញ ថ្មីៗនេះ ស្របពេលបវរកញ្ញា កុយ អេនណា កំពុងបន្តដំណើរបេសកកម្មថ្មើរជើងពីទីក្រុងភ្នំពេញ ទៅកាន់ខេត្តសៀមរាប ក្នុងកម្មវិធីសប្បុរធម៌លើកដំបូងរបស់ខ្លួនក្រោមប្រធានបទ «ដើរដោយក្តីសង្ឃឹម ដើរដើម្បីទេសចរណ៍» ឈានទៅដល់ទឹកដីខេត្តកំពង់ធំ ដែលជាស្រុកកំណើតរបស់អ្នកគ្រូ លក្ខិណា នោះ អ្នកគ្រូចិត្តល្អរូបនេះ និង ក្រុមគ្រួសារបានទទួលស្វាគមន៍កញ្ញា កុយ អេនណា យ៉ាងកក់ក្តៅ ដើម្បីជាកម្លាំងចិត្តទៅដល់ Queen ចិត្តធម៌រូបនេះ ដែលបានលះបង់យ៉ាងខ្លាំងព្រោះជាតិមាតុភូមិ។
ក្នុងនោះដែរ អ្នកគ្រូ លក្ខិណា បានរៀបចំអាហារមួយពេលជុំគ្នា ព្រមទាំងបានរៀបចំទីកន្លែងស្នាក់នៅជូនកញ្ញា កុយ អេនណា នៅផ្ទះរបស់អ្នកគ្រូមួយយប់ពោរពេញដោយស្នាមញញឹម។ ជាងនេះទៅទៀត អ្វីដែលកាន់តែធ្វើឱ្យមហាជនរំភើបចិត្តពីទឹកចិត្តរបស់អ្នកគ្រូ លក្ខិណា នោះ គឺកញ្ញា កុយ អេនណា បានបង្ហោះវីដេអូជួបជុំគ្រួសារអ្នកគ្រូ លក្ខិណា និង បានគេងលើភ្លៅរបស់អ្នកម្តាយ អ្នកគ្រូ លក្ខិណា ដោយបានរៀបរាប់ថា៖ «ជាកន្លែង ដែលមានក្តីសុខបំផុត»៕
សូមចុចទីនេះ ដើម្បីទស្សនាវីដេអូ៖
