មកដល់ពេលនេះ ជីវិតឯកជនរបស់កំពូលតារាចម្រៀងឱក សុគន្ធកញ្ញា កាន់តែមានភាពកក់ក្ដៅយ៉ាងពេញទំហឹងក្នុងជីវិតគ្រួសារ ខណៈគ្រួសារតូចរបស់អ្នកនាងកាន់តែមានក្ដីសុខពេញេលេញបន្ទាប់ពីអ្នកនាង និង ស្វាមី ទទួលបានទាយាទស្នងត្រកូលដ៏គួរឱ្យស្រឡាញ់ចំនួន ២ នាក់ហើយ។
ម្យ៉ាងវិញទៀត ជីវិតគ្រួសាររបស់កំពូលតារាចម្រៀងស្រីរូបនេះ តែងទទួលបានការសរសើរជាខ្លាំងពីបណ្ដាអ្នកគាំទ្រ ខណៈជារឿយៗអ្នកនាងតែងបង្ហាញពីសកម្មភាពដ៏ផ្អែមល្អែម ក្ដីស្រឡាញ់ក្នុងជីវិតប្ដីប្រពន្ធ និង ផ្ដល់ភាពកក់ក្ដៅដល់កូនៗ ស្ដែងពីក្ដីសុខក្នុងរង្វង់គ្រួសារយ៉ាងពេញទំហឹង។
លើសពីនេះ អ្នកនាង ឱក សុគន្ធកញ្ញា ត្រូវបានគេដឹងថាកំពុងរស់ក្នុងជីវិតបែបអភិជនមិនធម្មតាដែរ ដោយឃើញថាអ្នកនាង និង ស្វាមី ព្រមទាំងកូនៗ រស់ក្នុងផ្ទះធំទ្រនំខ្ពស់ ប្រើប្រាស់សម្ភារៈទំនើបៗ និង មានសកម្មភាពដើរកម្សាន្តទៅក្រៅប្រទេសជាលក្ខណៈគ្រួសារ ពីប្រទេសមួយទៅប្រទេសមួយផងដែរ។
យ៉ាងណាមិញ ក្រៅពីបង្ហាញសកម្មភាពនាំគ្រួសារឡើងចុះក្រៅប្រទេស ថ្មីៗកន្លងទៅនេះ អ្វីកាន់តែចាប់អារម្មណ៍លើជីវិតអភិជនរបស់គ្រួសារកំពូលតារាចម្រៀងស្រី ឱក សុគន្ធកញ្ញា ក្រោយឃើញសកម្មភាពខ្លះៗលើបណ្ដាញសង្គមកូនប្រុសច្បងរបស់អ្នកនាង បានឱ្យដឹងថាអ្នកនាង និង ស្វាមី កំពុងសំងំសាងសង់ផ្ទះលម្ហែមួយ ជាប្រភេទផ្ទះវីឡាដ៏ប្រណីតមានបរិវេណធំទូលាយ រៀបចំឡើងសម្រាប់កូនៗសម្រាកលម្ហែជាលក្ខណៈគ្រួសារទៀតផង៕
សូមចុចទីនេះដើម្បីទស្សនាវីដេអូ៖
