ថ្មីៗនេះ អ្នកលេងបណ្តាញសង្គមហ្វេសប៊ុក កំពុងផ្ទុះការចែករំលែកនូវវីដេអូមួយរបស់អ្នកថតរូបជនជាតិបរទេសអាជីពល្បីឈ្មោះលើបណ្តាញសង្គមមួយរូបមានឈ្មោះថា Nathan Kou ក្រោយពីលោកបានចែករំលែកនូវទង្វើល្អជូនដល់កុមារកម្ពុជា។
វីដេអូនោះដែរ អ្នកថតរូបល្បី លោក Nathan Kou បានបង្ហាញពីសកម្មភាពទៅរង់ចាំនៅមុខហាងលក់ខោអាវល្បីមួយក្នុងទីក្រុងភ្នំពេញ ដោយចាយពេលលើស ៣៦ ម៉ោង ដើម្បីឈ្នះរង្វាន់ទឹកប្រាក់ ១ ពាន់ដុល្លារ ក្នុងនាមជាអតិថិជនទៅដល់ដំបូងគេ។ ក្នុងនោះ អ្វីដែលគួរឱ្យកោតសរសើរដល់អ្នកថតរូបសង្ហានេះ គឺរង្វាន់ដែលលោកបានឈ្នះ លោកបានទិញសម្លៀកបំពាក់កុមារ និង យកទៅឱ្យកុមារៗនៅក្នុងសហគមន៍មួយ។
គួរជម្រាបថា នេះមិនមែនជាលើកដំបូងនោះទេ ដែលអ្នកថតរូបជនជាតិបរទេសរូបនេះ បានចែករំលែកនូវរឿងល្អៗក្នុងប្រទេសកម្ពុជា ពោលគឺកន្លងមក លោកធ្លាប់បានជួយដល់កុមារៗតាមតំបន់ និង តាមសាលាផងដែរ។ ម្យ៉ាងវិញទៀត លោកក៏តែងតែចែករំលែកនូវក្តីស្រឡាញ់ ក៏ដូចជាបង្ហាញពីតំបន់ទេសចរណ៍ វប្បធម៌ អរិយធម៌ខ្មែរនៅក្នុងបណ្ដាញសង្គមរបស់លោកទៀតផង៕
សូមចុចទីនេះ ដើម្បីទស្សនាវីដេអូ៖
