មហាជននិយមតាមដានពីការងាររបស់កញ្ញា Nikki Nikki ច្បាស់ជាបានជ្រាបហើយថា តារាចម្រៀងស្រីរូបនេះ មិនត្រឹមតែទទួលបានការគាំទ្រលើវិស័យសិល្បៈតែម្យ៉ាងនោះទេ ប៉ុន្តែកញ្ញា Nikki Nikki ក៏ត្រូវបានយុវវ័យជាច្រើន បានចាត់ទុកនាងជាតារាក្នុងដួងចិត្ត ដែលតែងតែបង្ហាញនូវសកម្មភាពល្អៗជាច្រើនទាំងការងារសិល្បៈ និង ការងារសង្គម។
ជាការពិតណាស់ កន្លងមក កញ្ញា Nikki Nikki ធ្លាប់បានបង្ហាញហើយនូវទំហំនៃក្តីស្រឡាញ់ដល់កំពូលតារាចម្រៀង ឱក សុគន្ធកញ្ញា មិនត្រឹមតែជារៀមច្បងនោះទេ ប៉ុន្តែ កញ្ញា Nikki Nikki បានចាត់ទុក អ្នកនាង ឱក សុគន្ធកញ្ញា ជា Idol មួយរូបថែមទៀតផង។ ក្នុងនោះដែរ រាល់ពេលជួបអ្នកនាង ឱក សុគន្ធកញ្ញា ម្តងៗ កញ្ញា Nikki Nikki បានបង្ហាញអារម្មណ៍រំភើប ភ័យអរ មិនខុសពីអ្នកគាំទ្រដទៃទៀតនោះឡើយ។
ដោយឡែក ថ្មីៗនេះ កញ្ញា Nikki Nikki បានបង្ហាញអារម្មណ៍រំភើបខ្លាំងជាថ្មីម្តងទៀតរហូតពោលពាក្យថា «ឆ្កួត ដើរស្រាត» ខណៈអ្នកនាង ឱក សុគន្ធកញ្ញា បានបញ្ចេញមតិក្រោមវីដេអូរបស់ កញ្ញា Nikki Nikki ដែលបាន cover ចម្រៀង «ស្នាមស្នេហ៍សមុទ្ររៀម»។
មតិ ដែលអ្នកនាង ឱក សុគន្ធកញ្ញា បានសរសេរនោះរៀបរាប់យ៉ាងខ្លីថា៖ «ពីរោះ រសជាតិប្លែកអូន» ស្រាប់តែកញ្ញា Nikki Nikki មិនបង្អង់ ឆ្លើយតបទាំងរំភើបថា៖ «omfg!!! បងអើយ! ខ្ញុំឆ្កួត ដើរស្រាតហើយពេលនេះ! អរគុណបងខ្លាំងៗ!»៕
សូមចុចទីនេះ ដើម្បីតទស្សនាវីដេអូ៖
