មហាជនអ្នកតាមដានពីជីវិតគ្រួសាររបស់ពិធីករ-ការិនីល្បីឈ្មោះអ្នកនាង គង់ សុជាតិ និង លោក ជា វិបុល បានជា្របហើយ ដែលប្ដីប្រពន្ធមួយគូនេះតែងបង្ហាញក្ដីរំភើប និង មោទកភាពខ្លាំងចំពោះកូនៗដែលសុទ្ធសឹងតែមានសមត្ថភាពរៀនពូកែៗ និង ឆ្លាតៗខ្លាំង។
ជាពិសេសកូនស្រីទី ២ ដែលមានវ័យ ២២ ឆ្នាំ ឈ្មោះ សាល ភាពពិនាលី ហៅ Nelly រៀនពូកែខ្លាំង តែងទទួលបានពានរង្វាន់ ព្រមទាំងមេដាយពីការសិក្សា និង ការប្រកួតផ្សេងៗទាំងក្នុងទាំងក្រៅប្រទេស។
លើសពីនេះ កាលពីអំឡុងខែមិថុនា ឆ្នាំ ២០២៤ កន្លងទៅ អ្នកនាង គង់ សុជាតិ ក៏បានបង្ហាញក្ដីរំភើបចិត្តខ្លាំង ដែលបង្ហោះអបអរកូនស្រីច្បងបណ្ដូលចិត្តរូបនេះ ខណៈនាងបានរៀនបញ្ចប់ថ្នាក់បរិញ្ញាបត្រដោយជោគជ័យ។
ដោយឡែក មកដល់ថ្មីៗនេះ អ្នកនាង គង់ សុជាតិ និង លោក ជា វិបុល កាន់តែមានក្ដីមោទនភាពចំពោះកូនស្រី Nelly ខណៈអ្នកទាំងពីរបានដឹកដៃកូនស្រីបង្ហាញសមត្ថភាពជាពិធីការិនីជាលើកដំបូង ដោយនាងធ្វើបានល្អខ្លាំងក្នុងវោហាស័ព្ទទាំងភាសាខ្មែរ និង អង់គ្លេស។
ក្នុងនោះ អ្នកនាង គង់ សុជាតិ បានបង្ហោះវីដេអូបង្ហាញសកម្មភាពនៃការបំពេញការងារជាពិធីកររបស់អ្នកនាង និង ស្វាមី ព្រមទាំងកូនស្រី ដោយភ្ជាប់ជាមួយសារថា ៖ «មោទនភាព និង រំភើបចំពោះកូនស្រី Nelly ដែលអាចបញ្ចេញនូវស្នាដៃ និង សមត្ថភាពដ៏ប៉ិនប្រសព្វ ក្នុងការងារជាពិធីការនីជាភាសាបរទេសក្នុងកម្មវិធីមង្គលដ៏ធំ ជាមួយនាងខ្ញុំជាម្តាយលើកដំបូង ដោយរលូន និង ជោគជ័យ»៕
សូមទស្សនាវីដេអូខាងក្រោម៖
