(វីដេអូ) ចូលវ័យ ១៥ ឆ្នាំ! ប្អូនស្រី ពេជ្រ សូលីកា ប្រកាសប្ដូរឈ្មោះថ្មី ត្រៀមចាប់បទពិសោធថ្មីក្នុងវិស័យចម្រៀង K-Pop

មហាជនអ្នកគាំទ្ររបស់តារាចម្រៀងស្រី ពេជ្រ សូលីកា ច្បាស់ជាបានជ្រាបហើយពីប្អូនស្រីបណ្ដូលចិត្តតែម្នាក់របស់អ្នកនាង មានឈ្មោះថា ម៉ី ជីង មកដល់ពេលនេះ នាងកាន់តែធំពេញរូបពេញរាងសម្រស់ស្រស់ស្អាតមិនចាញ់បងស្រីឡើយ។

កន្លងមក ម៉ី ជីង ក៏តែងទទួលបានការចាប់អារម្មណ៍សរសើរពីមហាជនចំពោះសមត្ថភាព ទេពកោសល្យរបស់នាងលើសិល្បៈ ពូកែផ្នែករាំ និង មានដុងអាចច្រៀងបានយ៉ាងពីរោះ ដែលបានចេញចម្រៀងរួមគ្នាជាមួយបងស្រី ពេជ្រ សូលីកា ថែមទាំងបង្ហាញខ្លួនលើឆាកប្រគំតន្រ្តីផ្សេងៗទៀតផង។

លើសពីនេះ មួយរយៈកន្លងទៅ ស្របពេល ម៉ី ជីង បានឈានចូលវ័យ ១៥ ឆ្នាំ ឃើញថារូបសម្រស់នាងកាន់តែស្អាត សមត្ថភាពក៏កាន់តែពូកែ ដោយអ្នកនាង ពេជ្រ សូលីកា ធ្លាប់បង្ហើបពីក្ដីស្រមៃដ៏ធំមួយរបស់ ម៉ី ជីង បានឱ្យដឹងថានាងកំពុងត្រៀមខ្លួនឈោងចាប់ក្ដីស្រមៃចង់ក្លាយជាតារាចម្រៀង K-pop ដ៏ល្បីម្នាក់ថ្ងៃអនាគត។

ដោយឡែក មកដល់ថ្មីៗនេះ អ្វីកាន់តែចាប់អារម្មណ៍ចំពោះ ម៉ី ជីង ក្រោយបានឃើញនាងបានបង្ហោះប្រកាសលើហ្វេសប៊ុក ពីការប្ដូរឈ្មោះថ្មី ថា BELLAMY ហៅកាត់ថា Belle សម្រាប់ប្រើក្នុងសិល្បៈជាផ្លូវការ ត្រៀមឆ្ពោះទៅរកបទពិសោធថ្មីមួយនៃវិស័យចម្រៀងរបស់នាងឆាប់ៗនេះ៕

សូមចុចទីនេះដើម្បីទស្សនាវីដេអូ៖