នៅថ្ងៃទី ១០ ខែកញ្ញា ឆ្នាំ ២០២៥ នេះ កិច្ចប្រជុំក្រុមលេខាធិការគណៈកម្មាធិការព្រំដែនទូទៅកម្ពុជា-ថៃ (GBC) លើកទី ១៨ បានធ្វើឡើងម្តងទៀតហើយ ដោយកម្ពុជាជាម្ចាស់ផ្ទះទទួលខាងភាគីថៃមកបើកកិច្ចប្រជុំលើទឹកដីខេត្តកោះកុង។
ក្នុងនោះដែរ គេឃើញការមកដល់របស់ភាគីថៃលើកនេះ ក៏មានវត្តមានរបស់អ្នកនាំពាក្យក្រសួងការពារជាតិថ្មី គឺនាង Boom Panadda ជាសមាជិកផងដែរ។ យ៉ាងណាមិញ អ្នកនាំពាក្យរូបនេះមិនបានបញ្ចេញអាកប្បកិរិយាឱ្យសមនឹងដំណែងរបស់ខ្លួនឡើយ តែបែរជាមកអង្គុយថតវីដេអូខ្លួនឯងប្រាប់ថាមិនឃើញជំទាវ ម៉ាលី សុជាតា អ្នកនាំពាក្យក្រសួងការពារជាតិខ្មែរមកប្រជុំឡើយ។
យ៉ាងណាមិញ អាកប្បកិរិយារបស់នាង Boom Panadda ជាអាកប្បកិរិយាគ្មានវីជ្ជាជីវៈជាអ្នកនាំពាក្យរបស់ក្រសួងឡើយ នាងថែមទាំងមិនគោរពឱ្យតម្លៃខាងភាគីកម្ពុជាទៀត ហើយនេះមិនមែនជាលើកទីមួយនោះទេ ដែលនាងបង្ហាញអត្តចរិតបែបនេះ ពោលគឺកន្លងមកនាងតែបោះពាក្យស៊កសៀតឌឺដងមកកាន់លោកជំទាវ ម៉ាលី សុជាតា ជារឿយៗ៕
