ចំពោះតារាសម្ដែងប្រុសស្រីដ៏ឆ្នើមកញ្ញា ស៊ីន យូប៊ីន និង លោក ខាត់ វៃហាំង ក្រៅពីឆក់បានការចាប់អារម្មណ៍សរសើរពីស្នាដៃលើវិស័យសិល្បៈ កន្លងមកក៏តែងត្រូវបានមហាជនចូលចិត្តតាមដានពីជីវិតស្នេហារបស់អ្នកទាំងពីរផងដែរ។
និយាយដល់រឿងស្នេហារវាងកញ្ញា ស៊ីន យូប៊ីន និង ប្រុសស្អាត ខាត់ វៃហាំង មហាជនអ្នកគាំទ្រដែលធ្លាប់តាមដានសុទ្ធតែជ្រាបហើយថាអ្នកទាំងពីរជាគូស្នេហ៍មួយគូ តែងអង្រួនចិត្តអ្នកគាំទ្រជាមួយការបង្ហាញនូវភាពផ្អែមល្ហែមល្អូកល្អិនជាមួយគ្នាលើបណ្ដាញសង្គមជាហូរហែ គ្រាន់តែមួយរយៈចុងក្រោយនេះ អ្នកទាំងពីរហាក់ឃ្លាតឆ្ងាយគ្នាខ្លាំងមិនសូវមានសកម្មភាពជាមួយគ្នាដូចមុនឡើយ។
ដោយឡែក ក្រោយពីបាត់វត្តមានរួមគ្នា និង ខានឃើញបង្ហាញសកម្មភាពផ្អែមល្ហែមមួយរយៈធំ ដែលធ្វើឱ្យមហាជនអ្នកគាំទ្រមានចម្ងល់ពីទំនាក់ទំនងរវាងអ្នកទាំងពីរនោះ ថ្មីៗនេះ លោក វៃហាំង និង ស៊ីន យូប៊ីន បានធ្វើឱ្យមហាជនចាប់អារម្មណ៍ជាថ្មី ក្រោយបានឃើញសកម្មភាពរបស់អ្នកទាំងពីរបណ្ដើរគ្នាត្រសងជាគូ និង ផ្អែមល្ហែមយកចិត្តទុកដាក់នឹងគ្នាដូចដើម ខណៈបង្ហាញវត្តមានជាមួយគ្នាក្នុងកម្មវីធីមួយជាអ្នកសិល្បៈដទៃ៕
សូមចុចទីនេះដើម្បីទស្សនាវីដេអូ៖
