អ្នកលេងបណ្តាញសង្គមហ្វេសប៊ុក ជាពិសេស អ្នកនិយមតាមដានវិស័យសិល្បៈបុរាណកំពុងបង្ហាញការព្រួយបារម្ភ ដល់ លោក ណាឃីម ជាសិល្បករចម្រៀងផ្នែកបុរាណ និង សមាជិកក្រុមតន្ត្រីបុរាណរបស់អ្នកនាង ខាត់ សួស្តី ដែលកំពុងធ្លាក់ខ្លួនឈឺខ្លាំងកំពុងសម្រាកព្យាបាលនៅមន្ទីរពេទ្យ។
បើតាមរយៈការឱ្យដឹងពីអ្នកនាង ខាត់ សួស្តី ទទួលបានដំណឹងពីក្រុមគ្រួសាររបស់តារាចម្រៀងបុរាណ លោក ណាឃីម បានឱ្យដឹងថា លោក ណាឃីម មានជំងឺរលាកស្រោមខួរ, រលាកសួតធ្ងន់ធ្ងរ និង ក្រពះពោះវៀន។ បច្ចុប្បន្ន លោក ណាឃីម មានអាការវង្វេង ភ្នែកមើលលែងឃើញ ត្រចៀកស្តាប់លែងឮ នោមមិនចេញ និង បាយមិនបានផងដែរ។
ក្នុងនោះដែរ អ្នកនាង ខាត់ សួស្តី និង មិត្តទាំងក្នុង ក្រៅសិល្បៈជាច្រើន បាន និង កំពុងបន្តស្វែងរកថវិកាជួយដល់លោក ណាឃីម និង អំពាវនាវដល់មហាជនឱ្យជួយបរិច្ចាគដល់លោកផង ខណៈក្រុមគ្រួសារកំពុងជួបការលំបាកក្នុងការចំណាយព្យាបាល។ លើសពីនោះ កន្លងមក លោក ណាឃីម បានជួយសង្គមតាមជំនាញក្នុងវិស័យសិល្បៈរបស់លោកជាច្រើនមកហើយ។
គួរជម្រាបបន្ថែមថា លោក ណាឃីម គឺជាសិស្សទើបតែបញ្ចប់បរិញ្ញាបត្រដូរ្យតន្រ្តីឯកទេសចម្រៀងមហោរី ពីសកលវិទ្យាល័យភូមិន្ទវិចិត្រសិល្បៈ៕
សូមចុចទីនេះ ដើម្បីទស្សនាវីដេអូ៖
