ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកនិយមតាមដានតារាកំប្លែងអ្នកនាង កាតុ កំពុងចាប់អារម្មណ៍នឹងវីដេអូមួយរបស់អ្នកនាង ដែលបានបង្ហោះឡើងជាមួយនឹងលោក ខ្យង ជាស្វាមី ពាក់ព័ន្ធនឹងការពហិកាការប្រើប្រាស់ទំនិញ ជាពិសេសនោះ គឺ cover ចម្រៀងពីប្រទេសថៃ។
ក្នុងវីដេអូនោះដែរ អ្នកនាង កាតុ និង លោក ខ្យង បានសង្កត់ធ្ងន់ដល់សិល្បករ សិល្បការិនី ដែលធ្លាប់បានយកបទចម្រៀងរបស់ប្រទេសជិតខាងមក cover នោះ សូមមេត្តាកុំបន្តច្រៀង ឬចែករំលែកអ្វីទៀត ក៏ព្រោះតែថ្មីៗនេះ អ្នកនាង កាតុ និង លោក ខ្យង បានឃើញមានបទចម្រៀងខ្លះ ដែលតារាចម្រៀងប្រទេសយើងបានយកមក cover និង ចេញតាំងពីជាង ១០ ឆ្នាំ មុន ត្រូវផ្ទុះឡើងវិញ និង ចែករំលែកជាថ្មីលើបណ្តាញសង្គមនានា។
ក្នុងនោះដែរ អ្នកនាង កាតុ និង លោក ខ្យង ក៏បានបន្ថែមថា ការពិតទៅតន្ត្រីនៅក្នុងប្រទេសយើងបានបញ្ឈប់ការចម្លងអស់រយៈពេលជាង ១០ ឆ្នាំ មកហើយ ពោលគឺវិស័យតន្ត្រីកម្ពុជា បានផលិតចម្រៀង Original Song យូរមកហើយ ប៉ុន្តែដោយសារតែប្អូនៗស្រករក្រោយខ្លះ មិនបានដឹងថាបទនោះជាបទចាស់កាលពី ១០ ឆ្នាំមុន ដែលជាបទរបស់ប្រទេសជិតខាង ទើបម្នាក់ៗយកមកចែករំលែកជាថ្មី។
ជាចុងក្រោយនោះ អ្នកនាង កាតុ និង ស្វាមី ក៏សូមសំណូមពរដល់ឆាកប្រគំតន្ត្រី ឬតាមបណ្តា Pub នានា បើសិនជាអាច គួរកុំយកបទកុពីពីប្រទេសជិតខាងនោះ មកច្រៀងអី ពីព្រោះតែយើងបានពហិកាការប្រើប្រាស់ផលិតផលរបស់ថៃហើយ ដូច្នេះកុំឱ្យគេថា ពហិកាតែការប្រើប្រាស់ផលិតផល ប៉ុន្តែតន្ត្រីនៅតែឮដដែល៕
សូមចុចទីនេះ ដើម្បីទស្សនាវីដេអូ៖
