ថ្មីៗកន្លងទៅនេះ លើបណ្ដាញសង្គមមហាជនកម្ពុជា ក៏ដូចជាអ្នកសិល្បៈ បានចែករំលែកសរសើរ និង មានមោទកភាពចំពោះទឹកចិត្តដ៏ក្លាហានរបស់វីរកងទ័ពជួរមុខប៉ុន្មានរូប ដែលជាបុរសភេទទី ៣ បានឈរជើងនៅសមរភូមិយ៉ាងអង់អាចការពារមាតុភូមិ។
ជាមួយគ្នានោះ ក្រៅពីចែករំលែកសរសើរ ក៏ឃើញមានបងប្អូនសប្បុរសជន និង អ្នកសិល្បៈជាច្រើន កំពុងនាំយកអំណោយ សម្ភារៈ និង ថវិកា ចុះទៅសួរសុខទុក្ខដល់វីរកងទ័ពភេទទី ៣ ប៉ុន្មានរូបនេះជាបន្តបន្ទាប់។
ជាក់ស្ដែង ក៏បានឃើញលើហ្វេសប៊ុករបស់តារាចម្រៀងស្រី ទេព បូព្រឹក្ស និង ស្វាមី បន្ទាប់ខ្វះខ្នែងជួយជំនួយដល់បងប្អូនកងទ័ពជួរមុខជាច្រើនកន្លងមក ពេលនេះដែរ ក៏ឃើញអ្នកទាំងពីរបន្តសកម្មភាពឱ្យអ្នកតំណាងចុះចែកអំណោយបន្តទៀត ដែលអ្នកនាង និង ស្វាមី បានរៀបចំសម្ភារៈ ផលិតផលរបស់អ្នកទាំងពីរ ព្រមទាំងថវិកាចំនួន ៥០០ ដុល្លារ ជូនដល់វីរកងទ័ពភេទទី ៣ មួយរូប ឈ្មោះលោកព្រិន្ទបាល សេង ញឹម ដែលកំពុងឈរជើងនៅប្រាសាទតាក្របីខេត្តឧត្តមានជ័យផងដែរ៕
សូមចុចទីនេះដើម្បីទស្សនាវីដេអូ៖
