(វីដេអូ) គ្រាប់ពេជ្រកម្ពុជា! ត្រឹម ១ ឆ្នាំ កុមារី Hamelet Vanessa ដណ្ដើមបានមកុដលើឆាកអន្តរជាតិធំៗ ២ ជូនមាតុភូមិ

ពិតណាស់ ចំពោះដំណើរនៃការប្រកួតតំណាងប្រទេសលើឆាកអន្តរជាតិរបស់បវរកញ្ញាយុវតីកូនខ្មែរកាត់បារាំង វ័យ ៨ ឆ្នាំ Hamelet Vanessa កាលពីអំឡុងចុងខែមិថុនា ឆ្នាំ ២០២៥ កន្លងទៅ បានធ្វើឱ្យមហាជនអ្នកគាំទ្រចាប់អារម្មណ៍តាមដានម្ដងហើយ ដែលនាងបានបង្ហាញសមត្ថភាពដ៏អស្ចារ្យលើឆាកអន្តរជាតិនៅប្រទេសម៉ាឡេស៊ី។

ពេលនោះ អ្វីដែលធ្វើឱ្យមហាជនអ្នកគាំទ្រកម្ពុជារំភើបអបអរ និង មានមោទកភាពខ្លាំងចំពោះ យុវតី Hamelet Vanessa ដែលនាងបានឈ្នះជ័យលាភីគ្រងមកុដដ៏ធំលើឆាកអន្តរជាតិនេះ គឺ Royal Grand Winner World Junior Tourism Ambassador 2025 ព្រមទាំងទទួលបានពានរង្វាន់លំដាប់រងទី ១ Best National Costume ទៀតផង។

ដោយឡែក មកដល់ថ្មីៗកន្លងទៅ បវរកញ្ញាយុវតី Hamelet Vanessa ក៏បានធ្វើដំណើរទៅកាន់ប្រទេសឡាវ ដើម្បីតំណាងកម្ពុជាចូលរួមក្នុងកម្មវិធី 2nd Edition Beauty Power International Fashion Week 2025 ក្នុងនាមជា VVIP Guest & Model ដែលនាងក៏បានដើរបង្ហាញម៉ូដលើឆាកអន្តរជាតិដ៏ធំនេះដែរ។

ក្នុងការចូលរួមកម្មវិធី 2nd Edition Beauty Power International Fashion Week 2025 នេះដែរ អ្វីដែលធ្វើឱ្យមហាជនរំភើបអបអរខ្លាំងចំពោះ Hamelet Vanessa ក្រោយបង្ហាញខ្លួនដើរម៉ូដប៉ុន្មានវគ្គយ៉ាងលេចធ្លោ ហើយកម្មវិធីក៏បានធ្វើការប្រកាសថានាងឈ្នះបានមកុដអន្តរជាតិមានតំណែងជា Little Miss Beauty Power International Model ប្រចាំឆ្នាំ ២០២៥ ផងដែរ៕

សូមចុចទីនេះដើម្បីទស្សនាវីដេអូ៖