និយាយពីតារាភេទទី ៣ ពហុជំនាញ ផេន ខេក តែងទទួលបានការចាប់អារម្មណ៍តាមដានពីមហាជនចំពោះរឿងរ៉ាវឯកជនរបស់នាង ដែលកន្លងមកបានជួបព្យុះភ្លៀងជីវិតជាច្រើន និង រឿងខកបំណងលើជីវិតស្នេហាបន្តបន្តាប់ ប៉ុន្តែនាងក៏អាចក្រោកឈរតស៊ូជម្នះរាល់បញ្ហា ធ្វើឱ្យជីវិតមានពន្លឺឡើងវិញផងដែរ។
ជាក់ស្ដែង មួយរយៈក្រោយ ផេន ខេក កាន់តែធ្វើឱ្យមហាជនសរសើរលើសមត្ថភាព និង ឆន្ទៈនៃការតស៊ូក្នុងជីវិតរបស់នាង ខណៈបានសម្រេចក្ដីស្រមៃថ្មីក្នុងវិស័យបវរកញ្ញា ក្លាយជាម្ចាស់មកុដកម្មវិធីប្រកួតសម្រស់ Miss Queen Cambodia 2025 ទៀតផង។
បើងាកមើលរឿងរ៉ាវស្នេហាវិញ ដ្បិតតែ ផេន ខេក មិនសូវបើកបង្ហាញចំណងស្នេហ៍ច្បាស់ៗ និង ផ្អែមល្ហែមដូចមុន តែនាងក៏បង្ហាញឱ្យដឹងថាកំពុងមានអ្នកស្អំបេះដូងថ្មី និង ត្រៀមចាប់ដៃគ្នាសាងជីវិតគូផងដែរ។
ដោយឡែក មកដល់ថ្មីៗនេះ អ្វីដែលធ្វើឱ្យមហាជនអ្នកគាំទ្ររំភើបអបអរជំនួស ខណៈបានឃើញកញ្ញា ផេន ខេក បង្ហោះវីដេអូសកម្មភាពជាមួយគូស្នេហ៍ថ្មីច្បាស់ៗ ដោយអ្នកទាំងពីរបានដឹកដៃគ្នាថតឈុតកូនក្រមុំកូនកំលោះ និង បង្ហាញចិញ្ចៀនរៀបការ ហាក់កំពុងប្រកាសដំណឹងល្អត្រៀមថ្ងៃមង្គលឆាប់ៗទៀតផង។ ក្នុងនោះ កញ្ញា ផេន ខេក ក៏បានសរសេរភ្ជាប់ជាមួយវីដេអូថា ៖ «តែប្រុងដល់គូហើយ ដូចនាងកង្រីចឹងសុខៗគេផ្ញើប្តីមកឱ្យហ្មង»៕
សូមចុចទីនេះដើម្បីទស្សនាវីដេអូ៖
