ក្រោយពីបានបញ្ចប់ការប្រកួតក្លាយទៅជាបេក្ខជនកំពូលក្នុងកម្មវិធី Road 2 The Star រដូវកាលទី ២ និង បានក្លាយទៅជាសិល្បករក្នុងផលិតកម្ម 3 Fun ហើយនោះ តារាចម្រៀងប្រុស ណាវីត ក៏កាន់តែទទួលបានប្រជាប្រិយភាព និង សន្ទុះការគាំទ្រខ្លាំងពីមហាជន។
ក្នុងនោះដែរ លោក ណាវីត មិនត្រឹមតែត្រូវបានចាត់ទុកជាសិល្បករដែលមានសមត្ថភាព និង ទឹកដមសំឡេងពីរោះនោះទេ ពោលគឺសូម្បីតែផ្នែករាំ និង សម្តែងក៏បុរសសង្ហារូបនេះមានជំនាញមិនឱ្យទាស់ថែមទៀតផង។
ក្រឡេកមកមើលជីវិតឯកជនឯណោះវិញ ដូចមហាជនបានជ្រាបមកហើយពីរូបសម្រស់ស្រស់សង្ហារបស់ ណាវីត ដែលតែងឆក់យកបេះដូងនារីៗឱ្យលង់ស្រឡាញ់ ប៉ុន្តែយ៉ាងណាមក៏ដោយកំលោះសង្ហារូបនេះមានម្ចាស់បេះដូងរួចហើយ។
ក្នុងនោះដែរ គេបានដឹងថា មិត្តស្រីរបស់លោក ណាវីត ក៏មិនមែនជាអ្នកឆ្ងាយសិល្បៈនោះដែរ ពោលគឺជា Dancer អាជីពល្បីឈ្មោះមួយរូប គឺស្រីស្អាត ឈេអ៊ុន៕
សូមចុចទីនេះ ដើម្បីទស្សនាវីដេអូ៖
