បើគិតមកដល់ពេលនេះ រយៈពេលជិត ២០ ឆ្នាំមកហើយ ដែលតារាចម្រៀងល្បីឈ្មោះ ឧកញ៉ា ខេមរៈ សិរីមន្ត និង ភរិយា គឺលោកជំទាវ ផល្លី បានចាប់ដៃគ្នាសាងគ្រួសារ និង ទទួលបានចំណងដៃកូនប្រុសស្រីចំនួន ៣ នាក់។
ក្នុងនោះដែរ ឧកញ៉ា ខេមរៈ សិរីមន្ត ក៏ត្រូវបានមហាជន និង មិត្តទាំងក្នុង ក្រៅសិល្បៈជាច្រើនបានសរសើរនឹងជីវិតគូរបស់ឧកញ៉ា ដែលមានភរិយាល្អទាំងព្រម ដោយពូកែទាំងការងារផ្ទះ មើលថែកូនៗ និង ស្វាមី ព្រមទាំងជាអ្នកជំនួញមួយរូបទៀតផង។
យ៉ាងណាមិញ កាលពីថ្ងៃទី ២២ ខែមិថុនា ឆ្នាំ ២០២៥ កន្លងទៅ ដែលជាថ្ងៃខួបកំណើតរបស់លោកជំទាវ ផល្លី ភរិយារបស់ឧកញ៉ា ខេមរៈ សិរីមន្ត គឺបានរៀបចំកម្មវិធីយ៉ាងអធឹកអធម ដោយមានការចូលរួមពីសំណាក់ភ្ញៀវកិត្តិយសជាច្រើន។
ក្នុងកម្មវិធីខួបកំណើតនោះដែរ អ្វីដែលមហាជនបានចាប់អារម្មណ៍នោះ គឺឧកញ៉ា ខេមរៈ សិរីមន្ត បានឡើងបកស្រាយចម្រៀងមានចំណងជើងថា «អរគុណប្រពន្ធ» ជូនជាការដូចំពោះភរិយាបណ្តូលចិត្តទាំងអួលដើម-ក។ លើសពីនោះ ក្រោយឃើញស្វាមីបកស្រាយចម្រៀងនេះហើយ ភរិយាឧកញ៉ា ខេមរៈ សិរីមន្ត ក៏យំរំភើបចិត្តដូចគ្នានៅមុខភ្ញៀវជាច្រើន៕
សូមចុចទីនេះ ដើម្បីទស្សនាវីដេអូ៖
