កាលពីថ្ងៃទី ១១ ខែវិច្ឆិកា ឆ្នាំ ២០២៥ កន្លងទៅ អ្នកគាំទ្រកំពូលតារាចម្រៀង ឱក សុគន្ធកញ្ញា ច្បាស់ជាបានជ្រាបមកហើយពីការរៀបចំកម្មវិធីខួបកំណើតគម្រប់ ៦ ឆ្នាំ របស់កូនប្រុសច្បងរបស់អ្នកនាង គឺ អូន ឆលី យ៉ាងស្ងប់ស្ងាត់ ដោយមានការអញ្ជើញចូលរួមតែពីក្រុមគ្រួសារ និង មិត្តភក្តិសិទ្ធស្នាលប៉ុណ្ណោះ។
ម្យ៉ងវិញទៀត សូម្បីតែរូបភាពថ្ងៃកម្មវិធី ក៏អ្នកនាង ឱក សុគន្ធកញ្ញា មិនបានបង្ហោះភ្លាមៗនៅលើបណ្តាញសង្គមនានាដែរ ខណៈកម្មវិធីខួបកំណើតកូនប្រុសបានរៀបចំជាលក្ខណៈឯកជន និង មានតែមិត្តភក្តិ ក្រុមគ្រួសារប៉ុណ្ណោះបានបង្ហោះរូបភាពខ្លះៗនៃទិដ្ឋភាពកម្មវិធី។
យ៉ាងណាមិញ នៅថ្ងៃទី ០១ ខែធ្នូ ឆ្នាំ ២០២៥ នេះ ពោលគឺរយៈពេលប្រមាណជាងកន្លះខែមកហើយ អ្នកគាំទ្រទើបបានឃើញអ្នកនាង ឱក សុគន្ធកញ្ញា បង្ហោះរូបភាព និង វីដេអូថ្ងៃកំណើតអូន ឆលី ព្រមទាំងភ្ជាប់នូវសារយ៉ាងមានន័យសម្រាប់ក្តីស្រឡាញ់ចំពោះកូនៗ ក្រុមគ្រួសារ និង មនុស្ស ដែលអ្នកនាងរាប់អាន។
ក្នុងនោះដែរ អ្នកនាង ឱក សុគន្ធកញ្ញា បានរៀបរាប់ថា៖ «មិនប្រាថ្នាអ្វីច្រើនទេ សុំត្រឹមបានឃើញកូនៗ និង មនុស្សយើងស្រលាញ់ រាប់អាន ពោរពេញទៅដោយស្នាមញញឹម និង ភាពរីករាយ»៕
សូមចុចទីនេះ ដើម្បីទស្សនាវីដេអូ៖
រូបភាព៖ One Memory
