កាលពីថ្មីៗនេះ អ្នកលេងបណ្តាញសង្គមហ្វេសប៊ុកជាច្រើនច្បាស់ជាបានឃើញនូវការបង្ហោះមួយរបស់តារាស្រីពហុជំនាញ អ្នកនាង ខាត់ សុឃីម ដែលបានបង្ហោះថា៖ «បង្ហើយស្តុកចាស់ទំនិញថៃ ១ ខែ ហើយ មិនអស់សោះ! បង្ហើយយូរៗទៅ ថៃប្តូរយន្តហោះពី F-16 ទៅ F-35»។
ក្រោយបង្ហោះសារខាងលើនោះដែរ អ្នកនាង ខាត់ សុឃីម ក៏ទទួលបានការបញ្ចេញមតិវិជ្ជមាន និង អវិជ្ជមានព្រមគ្នា ដោយក្នុងនោះ មតិអវិជ្ជមាន គឺត្រូវបានប្រតិកម្មពីសំណាក់អ្នកលក់អនឡាញតែម្តង។
យ៉ាងណាមិញ ក្រោយមានការបញ្ចេញមតិវែកញែកព្រោងព្រាតហើយនោះ អ្នកនាង ខាត់ សុឃីម ក៏បានចេញមកបកស្រាយពី Status ដែលបានបង្ហោះឡើងថា អ្នកនាងមិនបានសំដៅទៅឈ្មោះ ឬប៊្រេនណាមួយឡើយ។ ម្យ៉ាងវិញទៀត អ្នកនាងលើកឡើងពីអារម្មណ៍របស់ខ្លួនកំពុងបៀមការឈឺចាប់ព្រោះប្រទេសថៃ ប៉ុន្តែពេលអ្នកនាងទៅដើរផ្សារនៅតែឃើញមានផលិតថៃហើយច្រើនជាងមុនទៀត៕
សូមចុចទីនេះ ដើម្បីទស្សនាវីដេអូ៖
