មហាជនអ្នកគាំទ្រតាមដានពីទំនាក់ទំនងរវាងតារាសម្ដែងប្រុសលោក ប៊ឺរី និង អ្នកជំនួញអនឡាញដ៏ល្បី Madam Da បានជ្រាបហើយថាកាលមួយរយៈកន្លងទៅ អ្នកទាំងពីរបានបង្ហាញចំណងស្នេហ៍ជាសាធារណៈ និង ថែមទាំងបញ្ជាក់ពីគម្រោងរៀបការសាងអនាគតជាមួយគ្នាទៀតផង។
ក្រោយពីបើកបង្ហាញស្នេហាជាសាធារណៈពេញមុខពេញមាត់ ឃើញថាលោក ប៊ឺរី និង អ្នកនាង Madam Da កាន់តែបង្ហាញសកម្មភាពផ្អែមល្ហែមជាមួយគ្នាយ៉ាងមានក្ដីសុខជាលក្ខណៈគ្រួសារលើបណ្ដាញសង្គមជាហូរហែ។
លើសពីនេះ កន្លងទៅ គូស្នេហ៍មួយគូនេះ កាន់តែធ្វើឱ្យមហាជនអ្នកតាមដានចាប់អារម្មណ៍ចំពោះចំណងស្នេហ៍អ្នកទាំងពីរ ក្រោយពីបានឃើញអ្នកទាំងពីរដឹកដៃគ្នាថតឈុតប្រពៃណីខ្មែរជាគូដ៏ស្រស់ស្អាត ព្រមទាំងបានប្រកាសកំណត់ថ្ងៃរៀបចំថ្ងៃពិធីមង្គល ដែលនឹងធ្វើឡើងនៅខែកុម្ភៈ ឆ្នាំ ២០២៥ ខាងមុខនេះ។
ដោយឡែក មកដល់ថ្មីៗនេះ តារាប្រុស ប៊ឺរី និង អ្នកនាង Madam Da បានធ្វើឱ្យមហាជនកាន់តែអបអរខ្លាំងជាមួយអ្នកទាំងពីរ ខណៈទទួលបានដំណឹងដឹងថាពេលនេះ អ្នកនាង Madam Da កំពុងពពោះកូនក្នុងផ្ទៃ ដែលជាតំណក់ឈាមដំបូងរបស់តារាប្រុសរូបនេះ ជាង ១ ខែហើយ៕
សូមចុចទីនេះដើម្បីទស្សនាវីដេអូ៖
