នៅរសៀលថ្ងៃទី ២៨ ខែកក្កដា ឆ្នាំ ២០២៥ តាមរយៈការបង្ហោះវីដេអូនៅលើផេកផ្លូវការរបស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ដោយមានឯកឧត្តម ទូច សុខៈ អ្នកនាំពាក្យរងក្រសួងមហាផ្ទៃ បានថ្លែងការណ៍សេចក្តីប្រកាសពីការផ្តន្ទាទោសបុគ្គលទាំងឡាយណា ដែលប្រព្រឹត្តិអំពើក្បត់ជាតិឯង ដែលជាធ្វើជនបង្កប់។
ក្នុងនោះតាមរយៈ សេចក្តីថ្លែងការណ៍បានចេញសេចក្ដីប្រកាសដំណឹង ដោយសង្កេតឃើញថា សមត្ថកិច្ចចាប់បានបុគ្គលមួយចំនួនជាបន្តបន្ទាប់ លក់ខ្លួនឱ្យប្រទេសថៃដែលកំពុងឈ្លានពានកម្ពុជា យើងខ្ញុំសូមប្រកាសយ៉ាងដាច់អហង្ការថា សមត្ថកិច្ចនឹងមិនអត់ឱនឱ្យបុគ្គលទាំងឡាយណា ដែលប្រព្រឹត្តិអំពើក្បត់ជាតិឯង ដូចខាងក្រោម៖
១.ការត្រូវរ៉ូវគ្នាជាមួយបរទេស បង្កើតឱ្យមានការប្រទូសរ៉ាយ ឬនាំឱ្យមានអំពើឈ្លានពានកម្ពុជា ត្រូវផ្ដន្ទាទោស ពី ១៥ឆ្នាំទៅ ៣០ឆ្នាំ។
២.អំពើប្រគល់ ឬធ្វើឱ្យងាយស្រួលធ្លាក់ព័ត៌មានដល់ដៃបរទេស ត្រូវផ្ដន្ទាទោស ពី ៧ឆ្នាំទៅ ១៥ឆ្នាំ។
៣.ការទទួល ឬប្រមូលផ្ដុំព័ត៌មានផ្សេងៗផ្ដល់ឱ្យបរទេស ត្រូវផ្ដន្ទាទោស ពី ៥ឆ្នាំទៅ ១០ឆ្នាំ។
៤.ការប្រព្រឹត្តិអំពើហិង្សានាំឱ្យគ្រោះថ្នាក់ដល់ស្ថាប័នរដ្ឋ ឬនាំឱ្យប៉ះពាល់ដល់បូរណភាពដែនដីកម្ពុជា ត្រូវផ្ដន្ទាទោស ពី ១៥ឆ្នាំទៅ ៣០ឆ្នាំ។
បន្ថែមពីនោះផងដែរ ក្រៅពីការផ្ទន្ទាទោសដូចខាងលើ គ្រប់ជនក្បត់ជាតិ នឹងត្រូវ «ដកសញ្ជាតិខ្មែរ» ស្របតាមច្បាប់ជាធរមាន។ សង្ឃឹមថា អ្នកមួយចំនួន ដែលលង់ខ្លួនចាញ់ឧបាញកលរបស់បរទេសឈ្លានពាន ភ្ញាក់រឭកមានមនសិការ ឡើងវិញ និងបញ្ឈប់ជាបន្ទាន់រាល់អំពើក្បត់ជាតិដូចបានប្រកាសជូនខាងលើនេះ៕
