កាលពីពេលថ្មីៗកន្លងទៅនេះ មហាជននិយមតាមដានព័ត៌មាននានាពីកីឡាការិនីប្រដាល់គុនខ្មែរ អេ យ៉ានុត ភូថង កូនស្រីច្បងរបស់លោកគ្រូប្រដាល់ អេ ភូថង ច្បាស់ជាបានជ្រាបខ្លះហើយ ពីមូលហេតុនៃការបាត់មុខលើសង្វៀនប្រកួតកីឡាប្រដាល់មួយរយៈធំមកហើយ។
ក្នុងនោះ ការបាត់មុខមួយរយៈធំនេះដែរ កីឡាការិនីប្រដាល់គុនខ្មែរ អេ យ៉ានុត បានដកខ្លួនលើវិស័យប្រកួតក៏ព្រោះតែកំពុងមើលថែស្វាមីកំពុងមានជំងឺមហារីកពោះវៀនធំ ដែលកំពុងព្យាបាលនៅឯមន្ទីរពេទ្យ។
ជាការពិត ស្វាមីរបស់កីឡាការិនីប្រដាល់គុនខ្មែរ អេ យ៉ានុត មានជំងឺខាងលើនេះ មួយរយៈធំមកហើយ ដោយកន្លងមក អ្នកនាង បានយកស្វាមីទៅព្យាបាលនៅមន្ទីរពេទ្យរុស្ស៊ីមួយរយៈ។ ក្រោយមកចេញពីមន្ទីរពេទ្យរុស្ស៊ីមិនប៉ុន្មាន កីឡាការិនីគុនខ្មែររូបនេះ ក៏បានបញ្ជូនស្វាមីទៅព្យាបាលនៅប្រទេស និង បន្តត្រឡប់មកព្យាបាលនៅមន្ទីរពេទ្យកាល់ម៉ែត្រវិញនាពេលបច្ចុប្បន្ន។
អ្វីកាន់តែរំជួលចិត្ត តាមរយៈការបង្ហាញនៅលើគណនី និង ផេកហ្វេសប៊ុកផ្ទាល់ខ្លួនកន្លងមក កីឡាការិនីប្រដាល់គុនខ្មែរ អេ យ៉ានុត បានបង្ហាញពីអារម្មណ៍ដ៏លំបាកនៃការទទួលយកយ៉ាងខ្លាំង នៃស្ថានភាពជំងឺមហារីកពោះវៀនរបស់ស្វាមី ដោយសជំងឺមហារីកពោះវៀនរបស់ស្វាមីអ្នកនាង ចូលដល់តំណាក់កាលទី ៤ សាច់រាលពេញពោះ និង ថ្លើម។ ម្យ៉ាងវិញទៀត កីឡាការិនីប្រដាល់គុនខ្មែរ អេ យ៉ានុត បានប្រាប់ពីពាក្យសម្តីរបស់ស្វាមីអំឡុងពេលព្យាបាលថា៖ «បើស្លាប់ ឱ្យលោកស្លាប់នៅលើដីស្រុកខ្មែរចុះ»៕
សូមចុចទីនេះ ដើម្បីទស្សនាវីដេអូទី ១៖
សូមចុចទីនេះ ដើម្បីទស្សនាវីដេអូទី ២៖
