ថ្មីៗនេះ អ្នកប្រើប្រាស់បណ្ដាញសង្គមហ្វេសប៊ុក ពិសេសអ្នកគាំទ្ររបស់អ្នកអត្ថាធិប្បាយព័ត៌មានកីឡាក៏ល្បី ជីងចក់ មានការភ្ញាក់ផ្អើលយ៉ាងខ្លាំង បន្ទាប់ពីលោកបានបង្ហោះវីដេអូសុំទោសទៅកាន់ម្ចាស់ក្រុមហ៊ុន និង ផលិតកម្ម Galaxy Navatra ពាក់ព័ន្ធនឹងការធ្លាប់ប្រើពាក្យសម្ដីឌឺដងមិនសមរម្យកាលពីពេលកន្លងមក។
វីដេអូសុំទោសនោះដែរ ពូចក់ បានបង្ហោះឡើងនៅយប់ថ្ងៃទី ១៧ ខែមីនា ឆ្នាំ ២០២៥ ដោយភ្ជាប់មកជាមួយ Caption សុំការលើកលែងអាធ្យាស្រ័យពីម្ចាស់ក្រុមហ៊ុន និង ផលិតកម្មខាងលើថា ៖ «ខ្ញុំបាទ ជីងចក់ សូមធ្វើការសុំទោសដល់ក្រុមហ៊ុន Galaxy Navatra Group និង ផលិតកម្ម Galaxy ដែលកន្លងមកខ្ញុំបាននិយាយ និងផ្សព្វផ្សាយ មានការលើសលស់ប៉ះពាល់ដល់បុរី និងផលិតកម្ម។ សូមក្រុមហ៊ុន Galaxy Navatra Group មេត្តាអភ័យទោសដល់ខ្ញុំបាទដោយក្ដីអនុគ្រោះ»។
លើសពីនេះ នៅក្នុងខ្លឹមសារនៃវីដេអូសុំទោសដដែលនោះ ពូចក់ ក៏បានលើកឡើងថា ចាប់ពីពេលនេះ លោកសន្យាបញ្ឈប់ពាក្យនូវទង្វើទាំងអស់នោះទៀតហើយ បើមិនដូច្នេះទេ លោកនឹងទទួលខុសត្រូវចំពោះមុខច្បាប់ជាធរមាន។ សូមចុចទីនេះ ដើម្បីទស្សនាវីដេអូ ៖
