មួយរយៈថ្មីនេះ លើបណ្ដាញសង្គមមហាជនអ្នកតាមដានគាំទ្រអ្នកសិល្បៈ បានផ្ទុះចាប់អារម្មណ៍ចែករំលែកវែកញែកខ្លាំង ក្រោយពីបានឃើញតារាសម្ដែងប្រុសស្រីប៉ុន្មានរូប ទាំងសិល្បករជើងចាស់ និង ជំនាន់ថ្មី បានបង្ហោះទម្លាយជុំវិញរឿងម្ចាស់ផលិតកម្មមួយចំនួនហៅថតកុនជំពាក់លុយ មើលងាយកម្លាំងញើសឈាម និង ពេលវេលាតួសម្ដែងផ្សេងៗ។
ស្របគ្នានេះ ក្រោយឃើញសិល្បកររួមអាជីពជាច្រើនបង្ហោះនិយាយជុំវិញរឿងខាងលើ តារាសម្ដែងជើងចាស់ដ៏ឆ្នើមអ្នកនាង ស្វែង សុជាតា ក៏បានចេញវីដេអូមួយ ដាច់ចិត្តទម្លាយរឿងរ៉ាវក្នុងចិត្តជាច្រើន ដែលអ្នកនាងបានជួបកន្លងមក មិនខុសពីសិល្បករផ្សេងៗដែលបានបង្ហោះលើកឡើងនេះឡើយ ដោយអ្នកនាងបានអត់ទ្រាំយូរមកហើយ រហូតពេលខ្លះចង់ឈប់សម្ដែងព្រោះតែរឿងទាំងនេះទៀតផង។
ក្នុងនោះ អ្នកនាង ស្វែង សុជាតា បានរៀបរាប់ជាច្រើនចំណុច ពាក់ព័ន្ធនឹងម្ចាស់ផលិតកម្មភាពយន្តមួយចំនួន ដែលមើលងាយកម្លាំងញើសឈាមតួសម្ដែង ហៅថតមិនចង់ឱ្យលុយតួ និង មិនគោរពឱ្យតម្លៃពេលវេលារបស់តួសម្ដែងវ័យចំណាស់ផងដែរ៕
សូមទស្សនាវីដេអូខាងក្រោម៖
