ពិតណាស់ ប៉ុន្មានឆ្នាំក្រោយនេះ តារាច្រៀងស្រីចាស់វស្សាអ្នកនាង យក់ ឋិតរដ្ឋា បានវិលត្រឡប់មកកាន់វិស័យចម្រៀងពេញទំហឹងវិញ ដែលបញ្ចេញស្នាដៃបទចម្រៀងថ្មីៗពេញនិយម ឆក់បានប្រជាប្រិយភាពជាថ្មីមិនចាញ់ពីមុនឡើយ។
ខណៈវិលមកវាយលុកអាជីពចម្រៀងជាថ្មីនេះ បច្ចុប្បន្ន អ្នកនាង យក់ ឋិតរដ្ឋា កំពុងក្ដោបបានទីផ្សារកាន់តែខ្លាំង ដោយតែងឃើញបង្ហាញវត្តមានលើឆាកប្រគំតន្រ្តីតូចធំជាច្រើនតាមបណ្ដាខេត្ត និង ត្រូវបានអញ្ជើញច្រៀងតាមឆាកតន្រ្តី Pub, club ផ្សេងៗបន្តបន្ទាប់។
បើក្រឡេកទៅមើលរូបសម្រស់របស់តារាចម្រៀងស្រីរូបនេះវិញ ដ្បិតតែមានវ័យកាន់តែជ្រេ កូនៗធំទន្ទឹមខ្លួនមែន តែអ្នកនាង យក់ ឋិតរដ្ឋា នៅតែក្មេងស្អាត ជាពិសេសមួយរយៈក្រោយ អ្នកនាងកាន់តែថែសម្រស់កែកុនបន្ថែមបន្តិចរឹតតែខ្ញង់ដូចវ័យក្រមុំ។
លើសពីនេះ ស្របពេលបង្ហាញវត្តមានលើឆាកតន្រ្តីម្ដងៗ អ្នកនាង យក់ ឋិតរដ្ឋា ក៏ត្រូវបានមហាជនជាច្រើនចាប់អារម្មណ៍ និង លើកសរសើរមិនដាច់ពីមាត់ លើរូបសម្រស់របស់អ្នកនាង ខណៈឃើញអ្នកនាងស្រកគីឡូជាងមុនបន្តិច សម្រស់ប្លែកស្អាតមួយកម្រិតទៀត៕
សូមចុចទីនេះដើម្បីទស្សនាវីដេអូ៖
