និយាយទាក់ទងនឹងរឿងរ៉ាវស្នេហារបស់អ្នកបង្កើតមាតិកាវីដេអូលើបណ្ដាញសង្គម និង ជា Influencer ល្បីឈ្មោះ ពេជ្រ ពិសី កន្លងមក តែងធ្វើឱ្យមហាជនសរសើរ និង ច្រណែន ដែលទទួលបានដៃគូជីវិតដ៏ស័ក្តិសម មិនត្រឹមតែបានសាងចំណងស្នេហាដ៏ផ្អែមល្ហែម តែអ្នកទាំងពីរក៏បានចាប់ដៃគ្នារកស៊ីយ៉ាងជោគជ័យជាមួយគ្នា ព្រមទាំងត្រៀមសាងជីវិតគ្រួសារមួយដ៏មានក្ដីសុខ។
ជាក់ស្ដែង មួយរយៈមុន ពេជ្រ ពិសី និង ដណ្ដឹង ក៏បានធ្វើឱ្យមហាជនអ្នកគាំទ្របង្ហាញការអបអរ និង រំភើបជំនួស ខណៈបានឃើញនាងបង្ហាញរូបភាពប៉ុន្មានក្នុងឈុតសម្លៀកបំពាក់ប្រពៃណីខ្មែរ ដែលអ្នកទាំងពីរបានដឹកដៃគ្នាទៅសំអាងការលឈុតរៀបការ ដោយអាចនឹងកំពុងត្រៀមចូលរោងការឆាប់ៗខាងមុខនេះ។
លើសពីនេះ ប៉ុន្មានថ្ងៃកន្លងមកនេះ ពេជ្រ ពិសី និង គូដណ្ដឹង បានដឹកដៃគ្នាទៅថត Pre-Wedding នៅលើទឹកដីអង្គរយ៉ាងស្រស់ស្អាត និង ផ្អែមល្ហែមខ្លាំង ត្រៀមសម្រាប់ថ្ងៃពិសេសរបស់អ្នកទាំងពីរហើយដែរ។
ដោយឡែក មកដល់ថ្មីៗនេះ អ្វីដែលធ្វើឱ្យមហាជនអ្នកគាំទ្រលើបណ្ដាញសង្គមរំភើបអបអរជំនួសទៀត ខណៈបានឃើញសកម្មភាពរបស់ ពេជ្រ ពិសី ត្រូវបានគូដណ្ដឹងរៀបចំកម្មពិធីដ៏រ៉ូមែនទិក Surprise សុំនាងរៀបការ នៅឯមាត់សមុទ្រពេញដោយក្ដីរំភើបនៅមុខក្រុមគ្រួសារ និង មិត្តភក្តិជាច្រើននាក់ ដែលជាគឺជាក្ដីស្រមៃមួយរបស់មនុស្សស្រីជាច្រើនចង់ឱ្យគូស្នេហ៍លុតជង្គង់សុំរៀបការទុកជាការចងចាំដ៏ល្អមួយក្នុងជីវិត៕
សូមចុចទីនេះដើម្បីទស្សនាវីដេអូ៖
