ពិតណាស់ កម្មវិធីប្រកួតសម្រស់យុវតីអន្តរជាតិ Miss Teen Icon International 2025 បានរៀបចំឡើងនៅលើទឹកដីកម្ពុជាជាម្ចាស់ផ្ទះ ដែលមានបេក្ខភាពបវរកញ្ញាមកចូលរួមប្រកួតពីបណ្ដា ១២ ប្រទេសផ្សេងៗ ដោយបានប្រកួតប្រជែងចប់នៅរាត្រីទី ២៥ ខែឧសភា ឆ្នាំ ២០២៥ កន្លងទៅ។
ក្នុងរាត្រីវគ្គផ្ដាច់ព្រ័ត្រនេះដែរ កម្មវិធី Miss Teen Icon International ក៏បានប្រកាសរកឃើញនូវបវរកញ្ញារាជិនីមកុដថ្មី Miss Teen Icon International 2025 ដែលបានទៅលើបវរកញ្ញាយុវតីមកពីចក្រភពអង់គ្លេស នាង Sasha Starr។
ដោយឡែក ក្រោយកម្មវិធីបញ្ចប់បាន ២ ថ្ងៃ ពេលនេះលើបណ្ដាញសង្គមមហាជនអ្នកគាំទ្រវិស័យបវរកញ្ញាជាច្រើនកំពុងផ្ទុះចែករំលែក និង វែកញែកមិនពេញចិត្តខ្លាំងចំពោះបវរកញ្ញា Miss Teen Icon United Kingdom 2025 ដែលជាម្ចាស់មកុដថ្មី MTII 2025 រូបនេះ ខណៈបានឃើញវីដេអូសកម្មភាពរបស់នាង បង្ហាញទង្វើមិនសមរម្យអំឡុងពេលប្រកួតកន្លងទៅ ដែលបានភ្លក់បង្អែមជានំខ្មែរ បញ្ចេញកាយវិការ និង ទឹកមុខហាក់ដូចមើលងាយលើប្ហូមខ្មែរ។
ទង្វើរបស់ម្ចាស់មកុដរូបនេះ បានធ្វើឱ្យសាធារណជនបង្ហាញការពិតពេញចិត្តយ៉ាងខ្លាំង រហូតគេក៏បានឃើញមានការលើកឡើងពីទំព័រហ្វេសប៊ុកអ្នកគាំទ្របវរកញ្ញាមួយថា ៖ «Admin សូមបញ្ចេញការមិនពេញចិត្ដចំពោះទង្វេីរបស់បវរកញ្ញា UNITED KINGDOM មកប្រកួតនៅស្រុកខ្មែរ ហេីយម៉េចបានជាបញ្ចេញចរិតអ៊ីចឹងនៅលេី Social media បែបហ្នឹង បេីមិនចេះហូបនំរបស់ខ្មែរទេដាក់ចុះទៅ ហេីយទៅថតបង្ហោះធ្វេីអី ទាំងបងទាំងប្អូនចេញមកចរិតអត់កេីតដូចគ្នា។
សូមចុចទីនេះដើម្បីទស្សនាវីដេអូ៖
