គិតមកដល់ពេលនេះ ពិធីការិនី ហ៊ិន ច័ន្ទនីរ័ត្ន បានពពោះកូនដំបូងជាកូនប្រុសនៃចំណងដៃអាពាហ៍ពិពាហ៍ មានអាយុប្រមាណជាង ៨ ខែហើយ ដែលឃើញថាអ្នកនាង និង ស្វាមី កំពុងបង្ហាញចិត្តអន្ទះសា និង ត្រៀមខ្លួនស្វាគមន៍ទាយាទដំបូងនេះយ៉ាងរំភើបបំផុត។
ស្របពេលពពោះកូនជិតគ្រប់ខែ ហើយពោះក៏ចាប់ផ្ដើមខ្ទាតធំឡើងនោះ បើក្រឡេកចាប់អារម្មណ៍ចំពោះរូបសម្រស់វិញ អ្នកនាង ហ៊ិន ច័ន្ទនីរ័ត្ន នៅតែស្រស់ថ្លាផូរផង់ដដែល ជាពិសេសតែងបញ្ចេញរូបភាពឱ្យមហាជនសរសើរខ្លាំងជាមួយនឹងការតុបតែងខ្លួនជាអ្នកម៉ាក់ពពោះស្អាតៗខ្ញង់ៗ។
យ៉ាងណាមិញ ថ្មីៗនេះ កាន់តែកៀកខែសម្រាល គេបានឃើញ ពិធីការិនី ហ៊ិន ច័ន្ទនីរ័ត្ន បង្ហាញវីដេអូនៃសកម្មភាពថតរូបបង្ហាញសាច់ផ្ទៃពោះជាលើកដំបូង ជាមួយស្វាមីបណ្ដូលចិត្ត ដែលបានផ្ដិតរូបភាពជាមួយគ្នាយ៉ាងផ្អែមល្ហែម និង មានក្ដីសុខខ្លាំង ត្រៀមស្វាគមន៍តំណក់ឈាមរួមគ្នាចូលមកក្នុងគ្រួសារដ៏កក់ក្ដៅ៕
សូមចុចទីនេះដើម្បីទស្សនាវីដេអូ៖
