បើគិតមកដល់ពេលនេះ រយៈពេលជាង ១៧ ឆ្នាំ មកហើយ ដែលតារាកំប្លែងស្រី ពហុជំនាញ អ្នកនាង កាតុ បានរៀបការសាងគ្រួសារនឹងស្វាមី គឺ នាយខ្យង ដែលជាអតីតតន្ត្រីករដ៏ល្បីឈ្មោះមួយរូប។ ក្នុងនោះដែរ ចំណងអាពាពិពាហ៍រយៈពេលជាច្រើនឆ្នាំនេះ អ្នកនាង កាតុ និង ស្វាមី ក៏ទទួលបានចំណងដៃកូនស្រីមួយរូបហើយដែរ គឺអូន ជីញៗ ដែលក្នុងឆ្នាំនេះមានវ័យ ១១ ឆ្នាំ ហើយ។
ជាការពិតណាស់ បើនិយាយពីកូនស្រី គឺអូន ជីញៗ គ្រាប់ពេជ្រតែមួយនៃចំណងអាពាហ៍ពិពាហ៍របស់អ្នកនាង កាតុ និង ស្វាមី ឯណោះវិញ ក៏ត្រូវបានមហាជនចាប់អារម្មណ៍ដល់នាងដូចគ្នាដែរ ក៏ព្រោះតែកូនស្រីរបស់អ្នកនាង កាតុ ឆ្លាត និង មានមុខមាត់ស្រស់ស្អាតមិនចាញ់ប៉ាម៉ាក់នោះទេ។ ម្យ៉ាងវិញទៀត បើនិយាយពីចំណេះដឹងវិញ ជីញៗ ក៏រៀនពូកែ និង ថែមទាំងចេះរាំរបាំ បុរាណ សម័យទៀតផង។
យ៉ាងណាមិញ ថ្មីៗនេះ អ្នកលេងបណ្តាញសង្គមហ្វេសប៊ុក ក៏កំពុងចាប់អារម្មណ៍នឹងវីដេអូមួយដែល នាយ ខ្យង ស្វាមី អ្នកនាង កាតុ បានបង្ហោះឡើងនៅលើគណនី Tik Tok ដោយកូនស្រីឈររាំ រីឯម្តាយឈរមើលកូនស្រីយ៉ាងមានក្តីសុខ ញញឹមពេញចិត្តបិទមាត់មិនជិតនោះឡើយ។
វីដេអូនោះ បានធ្វើឱ្យអ្នកគាំទ្រចូលទៅខមមិនសរសើរ កូនស្រី អ្នកនាង កាតុ ថាមានដុងសិល្បៈកាត់រកប៉ាម៉ាក់។ រីឯខ្លះទៀត បានបង្ហាញអារម្មណ៍សរសើរពីទឹកចិត្តនៃក្តីស្រឡាញ់របស់អ្នកម្តាយ ដែលកំពុងឈរសម្លឹងមើលកូនរាំ ចំណែកលោកប៉ាជាអ្នកថត៕
សូមចុចទីនេះ ដើម្បីទស្សនាវីដេអូ៖
