មកដល់ពេលនេះ កម្មវិធីប្រកួត Miss Supranational Cambodia 2025 បានបើកដំណើរការប្រកួតហើយ ដែលកម្មវិធីបានឈានដល់វគ្គ Supra Gate Audition ជាវគ្គដែលបេក្ខភាពនីមួយៗបង្ហាញខ្លួនលើកដំបូង និង មានការសម្ភាសជ្រើសរើសជាបេក្ខភាពផ្លូវការនៃកម្មវិធីផងដែរ។
ស្របពេលកំពុងដំណើរការប្រកួតនេះដែរ មហាជនកំពុងក្រឡេកចាប់អារម្មណ៍មើលទៅបេក្ខភាពនីមួយៗដែលសុទ្ធសឹងតែមានរូបសម្រស់ស្រស់ស្អាត ព្រមទាំងមានសមត្ថភាពទេពកោសល្យ និង ចំណេះដឹងរៀងៗខ្លួន។
ក្នុងចំណោមបេក្ខភាពនីមួយៗ ឃើញថាមហាជនអ្នកគាំទ្រវិស័យបវរកញ្ញាជាច្រើនកំពុងចាប់អារម្មណ៍ខ្លាំងលើបេក្ខភាពបវរកញ្ញាមួយរូប ដែលមានឈ្មោះ Sydney Marith កូនកាត់ខ្មែរ-អាមេរិក មានអាយុ ១៩ ឆ្នាំ មានភាពលេចធ្លោខ្លាំងទាំងសមត្ថភាព ចំណេះដឹង និង រូបរាងមុខមាត់ស្រស់ស្អាតទាក់ទាញ។
ជាមួយគ្នានេះ ចំពោះវីដេអូនៃការចូលបង្ហាញខ្លួនក្នុងកម្មវិធីជាលើកដំបូងរបស់បេក្ខភាព Sydney Marith ក៏ហាក់មានសន្ទុះនៃការចាប់អារម្មណ៍គាំទ្រខ្លាំងពីមហាជនអ្នកលេងបណ្ដាញសង្គម ដែលបានចែករំលែក និង បញ្ចេញមតិបង្ហាញការគាំទ្រលើកទឹកចិត្ត ព្រមទាំងរំពឹងខ្ពស់ចំពោះរូបនាងផងដែរ៕
សូមទស្សនាវីដេអូខាងក្រោម៖
