ថ្មីៗនេះ មហាជននិយមតាមដានក្រុមចម្រៀងរ៉េបមានប្រជាប្រិយភាព La Cima Cartel ច្បាស់ជាបានជ្រាបហើយថា ក្រៅពីបញ្ចេញបទចម្រៀងជាក្រុមហើយនោះ សមាជិកនីមួយៗ បានបញ្ចេញបទចម្រៀងផ្ទាល់ខ្លួនជាបន្តបន្ទាប់ និង ទទួលបានការគាំទ្រយ៉ាងខ្លាំងទៀតផង។
ជាក់ស្តែង ក្រឡេកទៅមើល លោក All3rgy សមាជិក La Cima Cartel កាលពីពេលថ្មីៗនេះ លោកបានបញ្ចេញបទចម្រៀងរួមគ្នាជាលើកទី ២ នឹងព្រះនាងតូច នរោត្តម ចេនណា ក្នុងបទចម្រៀង «អ៊ីតាស៊ីវិល» ដែលធ្វើឡើងជាពិសេសសម្រាប់ CEO សង្ហាសុំបុត្រីសែរាជវង្សរៀបការ។
ដោយឡែក កាលពីថ្ងៃទី ២៩ ខែមីនា ឆ្នាំ ២០២៥ កន្លងទៅ លោក All3rgy បានធ្វើឱ្យអ្នកគាំមានការសរសើរដល់លោកជាខ្លាំង ខណៈលោកឡើងច្រៀងក្នុងការប្រគំតន្ត្រីមួយ និង បានលើកយកចម្រៀងខាងលើមកបកស្រាយតែម្នាក់ឯង។
ក្នុងនោះដែរ អ្វីដែលធ្វើឱ្យមហាជនអ្នកទស្សនាស្រែកហ៊ោ និង សរសើរដល់លោក All3rgy នោះ ព្រោះបើគ្មានព្រះវត្តមានរបស់ព្រះនាងតូច នរោត្តម ចេនណា នៅលើឆាកតន្ត្រីជាមួយក៏ពិតមែន ប៉ុន្តែលោក All3rgy បានដោះមួក និង លើកដៃក្រាបឱនសំពះ នៅពេលឮសំឡេងព្រះនាងតូចបន្លឺឡើង៕
សូមចុចទីនេះ ដើម្បីទស្សនាវីដេអូ៖
