និយាយពីតារាចម្រៀងស្រី ពេជ្រ សោភា ប៉ុន្មានឆ្នាំចុងក្រោយនេះ គេសង្កេតឃើញថាអ្នកនាងហាក់ស្ងប់ស្ងាត់មិនសូវបង្ហាញសកម្មភាពច្រើនទាក់ទងជីវិតសិល្បៈ ជាពិសេសជីវិតឯកជន ឬរឿងរ៉ាវស្នេហាដូចមុនឡើយ ដោយភាគច្រើនយូរៗម្ដងឃើញអ្នកនាងបង្ហាញស្នាដៃចេញចម្រៀងថ្មីលើបណ្ដាញសង្គម។
យ៉ាងណាមិញ ក្រោយស្ងប់ស្ងាត់ និង មិនសូវឃើញសកម្មភាពក្នុងកម្មវិធីផ្សេងៗមួយរយៈធំ ថ្មីៗនេះ ក្នុងថ្ងៃខួបកំណើតគម្រប់ ៤០ ឆ្នាំ ក៏បានឃើញតារាស្រីរូបនេះ បានរៀបចំកម្មវិធីអបអរខួបដ៏ប្រណីត និង អ៊ូអរខ្លាំង ដែលឃើញជួបជុំបងប្អូន អ្នកគាំទ្ររបស់អ្នកនាងជាច្រើន។
តាមរយៈកម្មវិធីនេះដែរ អ្នកនាង ពេជ្រ សោភា បានរៀបរាប់បង្ហាញក្ដីនឹករឭកដល់អ្នកគាំទ្ររបស់អ្នកនាង និង សន្យាថានឹងវិលត្រឡប់មកសកម្មលើវិស័យសិល្បៈវិញ ត្រៀមចេញស្នាដៃចម្រៀងថ្មីៗសម្រាប់អ្នកគាំទ្រផងដែរ៕
សូមចុចទីនេះដើម្បីទស្សនាវីដេអូ៖
