កាលពីពេលថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្របេក្ខភាពរបស់កម្មវិធី MasterChef Cambodia មានការភ្ញាក់ផ្អើលយ៉ាងខ្លាំង ក្រោយឃើញអ្នកនាង កែ វង្សច័ន្ទរស្មី បេក្ខភាពឆ្នើមរដូវកាលទី ៣ បានចេញមកបង្ហោះសារទម្លាយរឿងចំណាយពេលប្រកួត MasterChef ចាយលុយផ្ទាល់ខ្លួនអស់ខ្ទង់ ៥ ពាន់ដុល្លារ ទម្រាំចប់កម្មវិធី។
ក្នុងនោះដែរ ក្រោយការទម្លាយពី រស្មី អ្នកគាំទ្រក៏បានឃើញមានបេក្ខភាពកម្មវិធីប្រកួត MasterChef Cambodia រដូវកាលទី ៣ ផ្សេងទៀត បានចេញមកនិយាយពីកម្មវិធីអំឡុងពេលប្រកួតមានទាំងវិជ្ជមាន និង អវិជ្ជមានដែរ។
ដោយឡែកក្នុងនោះ គេក៏បានឃើញ Top ៤ កញ្ញា ប៊ុន លីនណា ក៏បានបង្ហោះសាររៀបរាប់ពីកម្មវិធីដូចគ្នា ដោយកញ្ញាបានលើកយកមតិផ្ទាល់ខ្លួនមករៀបរាប់ ថាមុនការប្រកួត កម្មវិធីក៏បានប្រាប់រួចហើយពីលក្ខខណ្ឌនានា ពោលគឺកញ្ញា ប៊ុន លីនណា បានលើកពីផលវិជ្ជមានច្រើនពីកម្មវិធី។
យ៉ាងណាមិញ ក្រោយការបង្ហោះវីដេអូនោះហើយ ស្រាប់តែកញ្ញា ប៊ុន លីណា បានបង្ហោះសារជាបន្តបន្ទាប់ពីរឿងប្រទាក់ក្រឡាគ្នានឹងកម្មវិធី ជាពិសេស នឹងអតីតមិត្តភក្តិរួមប្រកួតម្នាក់ ដោយកញ្ញា ប៊ុន លីណា ប្រើពាក្យធ្ងន់ៗជាច្រើន ជាពិសេសនោះ ហៅបុគ្គលនោះថាជាពស់ និង Fake friend ទៀតផង។
សូមចុចទីនេះ ដើម្បីទស្សនាវីដេអូទី ១៖
សូមចុចទីនេះ ដើម្បីទស្សនាវីដេអូទី ២៖
