និយាយដល់ជីវិតឯកជនរបស់តារាស្រី ដួង ម៉ានិច និង លោក Lyderzz រយៈពេលជិត ២ ឆ្នាំហើយ ដែលអ្នកទាំងពីរបានរៀបការចាប់ដៃគ្នាសាងសុភមង្គលក្នុងជីវិតប្ដីប្រពន្ធ ដែលអ្នកទាំងពីរបានរៀបចំជីវិតរស់នៅយ៉ាងសាមញ្ញៗបែបស្រុកស្រែចម្ការ។
លើសពីនេះ មិនត្រឹមតែប្រើជីវិតរស់នៅជនបទសាមញ្ញៗទេ តែរយៈពេលច្រើនខែមកនេះ ប្ដីប្រពន្ធអ្នកនាង ដួង ម៉ានិច តែងបង្ហាញសកម្មភាពធ្វើបុណ្យដាក់ទាន រៀនធម៌ រក្សាសីល និង សន្សំកុសលតាមផ្លូវព្រះធម៌ទាំងក្នុងស្រុក និង ក្រៅប្រទេសយ៉ាងជ្រះថ្លា ខណៈលោក Lyderzz បានសាងផ្នួសម្ដងហើយម្ដងទៀត។
ដោយឡែក មកដល់ពេលនេះ ជីវិតប្ដីប្រពន្ធអ្នកទាំងពីរ ក៏មិនទាន់ឃើញគិតគូរសាងគ្រួសារតូចមានកូនចៅនឹងគេដែរ ខណៈថ្មីៗនេះ អ្នកនាង ដួង ម៉ានិច កាន់តែបង្ហាញក្ដីជ្រះថ្លាធ្វើឱ្យមហាជនស្ងើចសរសើរ ដែលឃើញអ្នកនាងបង្ហោះសកម្មភាពរបស់ក្រុមគ្រួសារ បងប្អូន កាត់សក់ឱ្យនាងម្ដងទៀត ដើម្បីបន្តរៀនធម៌រក្សាសីលពេញដោយស្នាមញញឹម និង មានក្ដីសុខផងដែរ៕
សូមចុចទីនេះដើម្បីទស្សនាវីដេអូ៖
