និយាយពីកញ្ញា ឈិន ម៉ានិច្ច ម្ចាស់ជ័យលាភី Cambodian Idol រដូវកាលទី ២ ប៉ុន្មានឆ្នាំក្រោយនេះ កាន់តែក្ដោបបានប្រជាប្រិយភាព និង ទីផ្សារសិល្បៈចម្រៀងមិនធម្មតាឡើយ តាមរយៈស្នាដៃបទចម្រៀងថ្មីៗរបស់នាង និង ចេញច្រៀងតាមបណ្ដាឆាកប្រគំតន្ត្រីនានា។
ងាកមើលជីវិតឯកជនវិញ ស្របពេលសិល្បៈទទួលបានជោគជ័យ កញ្ញា ឈិន ម៉ានិច្ច ក៏ងាកទៅបង្កើតជំនួញផ្ទាល់ខ្លួនបន្តបន្ទាប់យ៉ាងកាក់កប ដែលពេលនេះនាងកំពុងរស់នៅក្នុងជីវិតយ៉ាងធូរធារ និង មានក្ដីសុខជាមួយនឹងជីវិតនៅលីវរបស់នាង ដោយតែងឃើញបង្ហាញពីរបស់ទ្រព្យថ្មីៗ និង សកម្មភាពដើរកម្សាន្តនៅក្រៅប្រទេសជាញឹកញាប់យ៉ាងអភិជន។
ដោយឡែក ក្រោយប្រើជីវិតយ៉ាងមានក្ដីសុខ ថ្មីៗនេះ ឈិន ម៉ានិច្ច ក៏បានធ្វើឱ្យមហាជនកាន់តែចាប់អារម្មណ៍លើជីវិតឯកជនរបស់នាង ខណៈបានឃើញវីដេអូសកម្មភាពរបស់តារាចម្រៀងស្រីរូបនេះ នៅក្លីនិកកែសម្ផស្ស ដែលនាងបានទៅកែកុនសម្រស់បន្ថែមលើទម្រង់មុខ ត្រង់ច្រមុះ និង ភ្នែក ដែលកំពុងត្រៀមបង្ហាញភាពជឿជាក់ថ្មីមួយកម្រិតទៀត៕
