ក្រោយពីក្លាយទៅជាម្ចាស់ជ័យលាភីការប្រកួត Rapper Fighter រដូវកាលទី ១ ហើយនោះ តារាចម្រៀងរ៉េប OG Golden កាន់តែទទួលបានការគាំទ្រ និង ទីផ្សារការងារសិល្បៈកាន់តែខ្លាំងឡើងក្នុងវិស័យតន្ត្រី Hip Hop។
ងាកទៅកាន់អតីតកាលរបស់ម្ចាស់ជ័យលាភី Rapper Fighter រដូវកាលទី ១ លោក OG Golden ឯណោះវិញ មានអ្នកគាំទ្រមួយចំនួនបានជ្រាបហើយថា មុននឹងចាប់ផ្តើមចូលប្រឡូកក្នុងវិស័យចម្រៀងរ៉េប និង ដាក់ពាក្យប្រកួតកម្មវិធីខាងលើនេះ លោកគឺជាអ្នកដឹកម្ហូបឱ្យក្រុមហ៊ុនមួយក្នុងទីក្រុងភ្នំពេញ។
យ៉ាងណាមិញ លោក OG Golden នៅមានរឿងរ៉ាវជាច្រើនទៀត ក្រៅពីការតស៊ូធ្វើជាអ្នកដឹកម្ហូប ដោយថ្មីៗនេះ លោកបានទម្លាយទាំងអួលដើម-ក ពីរឿងរ៉ាវគ្រួសារបែកបាក់ និង ម្តាយជាប់ពន្ធនាគារថែមទៀតផង។
តាមរយៈកម្មវិធី «អ្នកជិតខាង» លោក OG Golden បានទម្លាយថា ឪពុកម្តាយរបស់លោកបានបែកបាក់គ្នា ហើយម្តាយបានជាប់ពន្ធនាគារ នៅដើមឆ្នាំ ២០២៣។ ពេលនោះ លោកក៏បានឈប់រៀនត្រឹមថ្នាក់ទី ៨ នៅពាក់កណ្តាលឆ្នាំ ២០២៣ ព្រោះតែត្រូវធ្វើការដើម្បីផ្គត់ផ្គង់ជីវភាពខ្លួនឯង និងចិញ្ចឹមប្អូនៗ។
អ្វីកាន់តែក្តុកក្តួល លោក OG Golden បាននិយាយទាំងអួលដើមកថា អំឡុងពេលគ្រួសារបែកបាក់ លោកចេញមកក្រៅធ្វើការដឹកម្ហូបឱ្យគេ ហើយឪពុក និង ប្អូនៗគ្មានទីលំនៅជ្រក គឺគេងតាមសួនច្បារ រហូតពេលមួយលោក ជួលផ្ទះបានឱ្យឪពុក និង ប្អូនៗស្នាក់នៅ៕
សូមចុចទីនេះ ដើម្បីទស្សនាវីដេអូ៖
