ក្រោយរង់ចាំច្រើនខែ នៅសល់តែ ៣ ថ្ងៃទៀត ពោលគឺថ្ងៃទី ៧ ខែធ្នូ ឆ្នាំ ២០២៥ នេះ តារាប្រុសស្រី ឈិន មុន្នីនាថ និង នាយ ព្រែក នឹងក្លាយជាកូនក្រមុំកូនកំលោះក្នុងរោងជ័យហើយ ដែលអ្នកទាំងពីរនឹងរៀបចំកម្មពិធីអាពាហ៍ពិពាហ៍តាមប្រពៃណីយ៉ាងធំដុំអធិកអធម។
ស្របពេលកាន់តែកៀកថ្ងៃនៃពិធីមង្គលនេះ នាយ ព្រែក និង ឈិន មុន្នីនាថ កាន់តែបង្ហាញអារម្មណ៍រំភើបភ័យអរពេញដោយក្ដីសុខ និង ស្នាមញញឹមចំពោះថ្ងៃពិសេសរបស់អ្នកទាំងពីរ ព្រមទាំងបានបង្ហោះវីដេអូសកម្មភាពជួបជុំបងប្អូន សាច់ញាតិជិតឆ្ងាយមកជុំគ្នាត្រៀមចូលរួមអបអរពិធីមង្គលខាងមុខនេះ។
ដោយឡែក អ្វីដែលធ្វើឱ្យមហាជនអ្នកគាំទ្រកំពុងចាប់អារម្មណ៍ខ្លាំង ក្រោយ នាយ ព្រែក បានបង្ហោះវីដេអូបង្ហាញសកម្មភាពជាមួយលោកប៉ាបង្កើតជាលើកដំបូងពេញដោយក្ដីរំភើប ដែលប៉ារបស់លោកទើបតែចុះពីយន្តហោះមកពីសហរដ្ឋអាមេរិក ដើម្បីត្រៀមខ្លួនចូលរួមពិធីមង្គលការរបស់កូនប្រុសពៅ និង អនាគតភរិយា ដោយសល់តែប៉ុន្មានថ្ងៃទៀតប៉ុណ្ណោះ៕
សូមចុចទីនេះដើម្បីទស្សនាវីដេអូ៖
