ក្រោយពីក្ដោបតំណែងម្ចាស់មកុដ Miss Asia Pacific International Cambodia 2025 អ្នកនាង មៀលីយ៉ាន បានចាកចេញទៅប្រកួតលើឆាកអន្តរជាតិ Miss Asia Pacific International 2025 នៅប្រទេសហ្វីលីពីនរយៈពេលប្រមាណជិត ១ សប្តាហ៍មកហើយ បើគិតចាប់តាំងពីថ្ងៃចាកចេញពីប្រទេសកម្ពុជាកាលពីថ្ងៃទី ២១ ខែកញ្ញា ឆ្នាំ ២០២៥ កន្លងទៅ។
ក្នុងដំណើរនៃការប្រកួតនេះដែរ បវរកញ្ញាតំណាងឱ្យកម្ពុជា ដែលមានបទពិសោធយ៉ាងពេញទំហឹងក្នុងវិស័យប្រកួតរូបនេះ បាន និង កំពុងឆក់យកការគាំទ្រយ៉ាងខ្លាំងពីសំណាក់អ្នកស្នេហាវិស័យបវរកញ្ញាជាតិ និង អន្តរជាតិ។ ជាក់ស្តែង ត្រឹមការបង្ហាញវត្តមានលើឆាកប្រកួតថ្ងៃទី ១ កាលពីថ្ងៃទី ២៥ ខែកញ្ញា ឆ្នាំ ២០២៥ កន្លងទៅ ក្នុងកម្មវិធី Press Presentation អ្នកនាង មៀលីយ៉ាន បានបង្ហាញខ្លួនយ៉ាងលេចធ្លោក្នុងឈុតប៊ីគីនី ព្រមទាំងត្រូវបានកម្មវិធីប្រកាសទទួលពានរង្វាន់មួយ គឺ Miss Eventologie ក្នុងចំណោមបេក្ខភាពបវរកញ្ញាជាច្រើនប្រទេស។
អ្វីដែលធ្វើឱ្យបវរកញ្ញាកម្ពុជា កាន់តែលេចធ្លោលើឆាកប្រកួតអន្តរជាតិ Miss Asia Pacific International នៅក្នុងឆ្នាំ ២០២៥ ខណៈកម្មវិធីបានអនុញ្ញាតឱ្យអ្នកគាំទ្រសួរសំណួរទៅកាន់បវរកញ្ញាក្នុងដួងចិត្តតែម្នាក់គត់ក្នុងចំណោមបវរកញ្ញាជាច្រើនប្រទេស ហើយអ្នកនាង មៀលីយ៉ាន ត្រូវបានអ្នកគាំទ្រហ្វីលីពីនជ្រើសរើស និង សួរសំណួរទៅកាន់អ្នកនាង៕
សូមចុចទីនេះ ដើម្បីទស្សនាវីដេអូ៖
