ក្រោយផ្ទុះជំរុញគាំទ្រឱ្យចូលប្រកួតបវរកញ្ញាជាថ្មីពីមហាជនជាច្រើន ទីបំផុត ថ្មីៗនេះ បវរកញ្ញាដ៏មានសក្កានុពល ពេជ្រ វត្តីសារ៉ាវឌ្ឍី ក៏មិនទុកសមត្ថភាពចោល ដោយបានបង្ហាញវត្តមានជាបេក្ខភាពផ្លូវការក្នុងកម្មវិធីប្រកួត Miss Universe Cambodia 2025 ។
ដំណឹងនៃការចូលរួមប្រកួតក្នុងកម្មវិធី MUC 2025 នេះដែរ ពេជ្រ វត្តីសារ៉ាវឌ្ឍី ត្រូវបានមហាជនអ្នកគាំទ្រជាច្រើនបង្ហាញការគាំទ្រពេញចិត្តខ្លាំង ដែលមើលឃើញពីសមត្ថភាពពេញដោយបទពិសោធក្នុងវិស័យបវរកញ្ញារបស់នាង ព្រមទាំងរំពឹងអាចនឹងទទួលបានលទ្ធផលល្អដណ្ដើមមកុដឈរលើឆាកអន្តរជាតិម្ដងទៀតផង។
មកដល់ថ្ងៃទី ២៥ ខែឧសភា ឆ្នាំ ២០២៥ នេះ កញ្ញា ពេជ្រ វត្តីសារ៉ាវឌ្ឍី កាន់តែឆក់បានការរំពឹងខ្ពស់ពីមហាជនអ្នកគាំទ្រ ខណៈបង្ហាញវត្តមានវគ្គដំបូងក្នុងថ្ងៃបំពាក់ឆៀង និង បើកដំណើរការជាផ្លូវការនៃកម្មវិធី Miss Universe Cambodia 2025 ក្នុងឈុតសម្លៀកបំពាក់ដ៏ប្រណីត និង ដើរបង្ហាញខ្លួនពេញដោយភាពជឿជាក់ លេចធ្លោខ្លាំងស័ក្តិសមជាបេក្ខភាពក្នុងកម្មវិធីចក្រវាលដ៏អស្ចារ្យនេះ។
ការវិលត្រឡប់មកលើកនេះ កញ្ញា ពេជ្រ វត្តីសារ៉ាវឌ្ឍី បានរំពឹងខ្ពស់យ៉ាងខ្លាំង តែយ៉ាងណាមិញ ក្នុងនៅក្នុងការប្រកួតលើកនេះ គេនៅមិនទាន់ដឹងនៅឡើយទេ ព្រោះបេក្ខភាពជើងខ្លាំងជាច្រើនរូបទៀតក៏បានបង្ហាញវត្តមានប្រកួតផងដែរ ដូចជា កញ្ញា ហ្វីយ៉ាតា កញ្ញា រ៉េត ស្រីនាថ កញ្ញា សុខគា គឹមលាង កញ្ញា ដេវីណា កញ្ញា ស្រីខួច ជាដើម៕
សូមចុចទីនេះដើម្បីទស្សនាវីដេអូ៖
