នៅរសៀលថ្ងៃទី ២៨ ខែមីនា ឆ្នាំ ២០២៥ ម្សិលមិញនេះ មានហេតុការណ៍អគារដែលកំពុងសាងសង់មួយកន្លែងនៅតំបន់ Chatuchak បានដួលរលំ បន្ទាប់ពីមានការរញ្ជួយដីកម្រិត ៧,៤ រ៉ិចទ័រ បានវាយប្រហារក្នុងទីក្រុងបាងកក ប្រទេសថៃ។
ក្នុងនោះ មុនពេលហេតុការណ៍រលំអគារនេះកើតឡើង មានកម្មករជាច្រើនដែលនៅក្នុងអគារ បាននាំគ្នាសម្រុករត់ចេញមកក្រៅ ដែលជាក់ស្ដែងមានកម្មករ ដែលជាពលករជនជាតិខ្មែរមួយរូប បានបង្ហោះវីដេអូបង្ហាញពីទិដ្ឋភាពនៅក្នុងអគារ ដែលមានមនុស្សម្នានាំគ្នារត់ចេញទាំងរន្ធត់ មុនពេលដែលអគារត្រូវបានបាក់រលំ ដែលបង្កឡើងដោយគ្រោះរញ្ជួយដីកម្រិត ៧,៤ រ៉ិចទ័រ។
តាមប្រភពដែលមានគណនីឈ្មោះ អាម៉ី អាម៉ី ជាពលករខ្មែរដែលបានជួបហេតុការណ៍នេះផ្ទាល់ បានបង្ហោះវីដេអូសកម្មភាពខ្លួន និង ក្រុមការងាររត់ចេញពីអគារដែលយោលយោគរៀបនឹងបាក់រលំ ភ័យរន្ធត់ញ័រដៃញ័រជើងលស់ព្រលឹងអស់ រហូតដល់មានអ្នកខ្លះកើតខ្យល់គរភ្លាមៗផងដែរ។
ដើម្បីជ្រាបកាន់តែច្បាស់សូមចុចអក្សរខាងក្រោមដើម្បីទស្សនាវីដេអូ ៖
