នៅរសៀលថ្ងៃទី ០៤ ខែសីហា ឆ្នាំ ២០២៥ នេះ រដ្ឋមន្ត្រីក្រសួងព័ត៌មាន បានបង្ហាញពីវីដេអូ ទាហានថៃ បានចូលក្នុងតំបន់អានសេះ ដែលជាដែនអធិបតេយ្យរបស់កម្ពុជា។
ក្នុងនោះ បើតាមអ្នកនាំពាក្យក្រសួងការពារជាតិកម្ពុជា បានឱ្យដឹងថា នៅវេលាម៉ោង ១១ ព្រឹកនេះ ថៃបានបញ្ជូនកម្លាំងប្រដាប់ដោយអាវុធគ្រប់ដៃ និងគ្រឿងចក្រចូលក្នុងតំបន់អានសេះ ដែលជាដែនអធិបតេយ្យរបស់កម្ពុជា និងស្ថិតក្រោមការគ្រប់គ្រងទាំងស្រុងរបស់កងទ័ពកម្ពុជាក្រោយបទឈប់បាញ់ចូលជាធរមាននៅម៉ោង ១២ យប់ថ្ងៃទី ២៨ ខែកក្កដា ឆ្នាំ ២០២៥ ហើយថែមទាំងបានរាយបន្លាលួស បើទោះបីជាត្រូវបានហាមឃាត់យ៉ាងខ្លាំងពីសំណាក់កងកម្លាំងរបស់យើងយ៉ាងណាក៏ដោយ។
គួររំឭកផងដែរថា កម្ពុជាទើបតែបានរៀបចំឱ្យមានដំណើរទស្សនៈកិច្ចរបស់អនុព័ន្ធយោធាបរទេសប្រចាំនៅកម្ពុជា ទៅកាន់ទីកន្លែងទាំងនោះ កាលពីថ្ងៃទី ៣0 ខែកក្កដា ឆ្នាំ២០២៥ ដែលនេះបញ្ជាក់ឱ្យឃើញយ៉ាងច្បាស់ថា វាជាដែនអធិបតេយ្យរបស់កម្ពុជា។ នេះជាវីដេអូដែលកងទ័ពថៃបានរំលោភបំពានលើបទឈប់បាញ់ និងរំលោភបំពានលើបូរភាពទឹកដីកម្ពុជា៕
រូបភាពអនុព័ន្ធយោធាបរទេសមកទស្សនានៅកម្ពុជា ៖
