ដូចកូនខ្មែរគ្រប់រូបបានដឹង ផ្ការំដួល គឺជាផ្កាតំណាងឱ្យអត្តសញ្ញាណរបស់ជាតិ តាមរយៈព្រះរាជក្រឹត្យ ចុះនៅថ្ងៃទី ២១ ខែមីនា ឆ្នាំ ២០០៥។ ផ្ការំដួលមានក្លិនក្រអូបស្រទន់ ជាពិសេសនៅពេលល្ងាច និង មានពណ៌ស្រស់ស្អាត តែមិនឆើតឆាយ។ ដោយសារគុណតម្លៃ និង ភាពទាក់ទាញទាំងនេះហើយ ទើបគេតែងដកស្រង់ផ្ការំដួលមកបញ្ចូលក្នុងសិល្បៈច្នៃប្រឌិតផ្សេងៗ។
ជាក់ស្តែង កន្លងទៅថ្មីៗ ម៉ាកគ្រឿងអលង្ការដ៏ល្បីមួយរបស់កម្ពុជា គឺ ជាង បាក់ វណ្ណ ហុង ឬ CBVH គេបានដកស្រង់ផ្ការំដួល មកបង្កើតជាគ្រឿងអលង្ការទំនើប ម៉ូដស៊ីវិល័យ មើលមកពិតជាប្រណីត និង រស់រវើកបំផុត។ ដោយសារ ភាពច្នៃប្រឌិតបែបសហសម័យនេះហើយ ម៉ាកគ្រឿងអលង្ការនេះ ក៏ត្រូវបានស្ថាប័ន Influential Brands ដែលជាក្រុមហ៊ុនកំណត់អត្តសញ្ញាណ និង ទទួលស្គាល់ម៉ាកដ៏មានឥទ្ធិពលនៅក្នុងទ្វីបអាស៊ី ប្រកាសទទួលស្គាល់ ជាម៉ាកយីហោគ្រឿងអលង្ការកំពូលនៅកម្ពុជា ក្នុងវិស័យគ្រឿងអលង្ការទៀតផង។
ចង់ដឹងផ្ការំដួលច្នៃជាគ្រឿងអលង្ការស្រស់ស្អាតយ៉ាងណា សូមទស្សនាដូចខាងក្រោម៖
