ល្បីនារីៗក្រុមរាំ Arrow Plas អ្នករាំរបស់ ជី ដេវីត ថ្ងៃមុន សុទ្ធតែស្រីស្អាត​ ក្បាច់រាំលះៗ លេងខ្លួនញាក់កប់ ពិសេសមានជំនាញបំបែកក្បាច់រាំឱ្យកំពូលតារាចម្រៀងជួរមុខនៅកម្ពុជា

បច្ចុប្បន្ន ក្រុមរាំ Arrow Plas ទទួលបានការគាំទ្រខ្លាំងពីសំណាក់យុវវ័យ ខណៈក្រុមនេះមានទាំងសមាជិកស្រី និង ប្រុសសរុបគ្នាប្រមាណ ២០ នាក់។​ បើនិយាយពីក្រុមនារី ដែលមានគ្នា ១០ នាក់ ឃើញថាមហាជនពិតជាចាប់អារម្មណ៍ខ្លាំងទៅលើក្បាច់រាំដ៏សិចស៊ី ស្ទីលរៀបចំខ្លួនឡូយប្លែក ​និង បញ្ចេញក្បាច់រាំប្រកបដោយថាមពល។​

តាមការបង្ហាញខ្លួន រហូតមានភាពល្បីល្បាញដល់សព្វថ្ងៃ ក្រុមរាំ Arrow Plas បានប្រមូលផ្តុំគ្នាបង្កើតជាក្រុមរាំ មានប្រុស មានស្រី នៅក្នុងឆ្នាំ ២០១៩។ តែបើសរុបបទពិសោធតាំងពីមុនបង្កើតក្រុម ពួកគេបានរាំប្រមាណជា ១០ ឆ្នាំមកហើយ។​

សមាជិកក្រុម Arrow Plas បានចាប់ផ្តើមរៀនរាំដំបូងតាមរយៈវីដេអូនៅលើ YouTube ឥលូវក្រុមរាំនេះ បានវិវឌ្ឍខ្លួន និង មានទីផ្សារគួរសម ដោយរាល់ថ្ងៃមិនត្រឹមតែជាក្រុមរាំឯករាជ្យ និង បើកថា្នក់បង្រៀនរាំប៉ុណ្ណោះទេ តែថែមទាំងបង្កើតក្បាច់រាំឱ្យតារាល្បីៗជួរមុខនៅកម្ពុជាផងដែរ។

បើតាមសម្តីរបស់មេក្រុមស្រីនៃ Arrow Plas ការរាំលើឆាកតន្ត្រីឱ្យតួល្បីៗ ក្រុមនេះរាំប្រចាំឱ្យតែតារាចម្រៀង ៣ រូបគឺ ទេព បូព្រឹក្ស, G-Devith និង ឱក សុគន្ធកញ្ញា។

មេក្រុមបានលើកឡើងដែរថា ថ្វីបើការរាំខ្លះមើលមកសិចស៊ី ប៉ុន្តែពួកគេព្យាយាមធ្វើយ៉ាងណាឱ្យមើលមក មានលក្ខណៈស្តង់ដាខ្ពស់៕