បើនិយាយដល់លំដាប់រងទី ១ Miss Universe Cambodia 2020 អ្នកនាង ឈុន រក្សា ពេលនេះកំពុងតែត្រូវបានមហាជនលើកឈ្មោះរបស់អ្នកនាងមកនិយាយ ខណៈការប្រកួត Miss Universe Cambodia 2025 កំពុងចាប់ផ្តើមដំណើរការ។
ក្នុងនោះ មូលហេតុនៃការលើកឈ្មោះរបស់អ្នកនាង ឈុន រក្សា ពីសំណាក់អ្នកគាំទ្រនោះ ក៏ព្រោះតែអ្នកស្នេហាវិស័យបវរកញ្ញា ជាពិសេស អ្នកស្រឡាញ់ ចូលចិត្តម្ចាស់ជ័យលាភីលំដាប់រងទី ១ Miss Universe Cambodia 2020 រូបនេះ ចង់ឃើញរូបនាង ត្រលប់មកឡើងឆាកលើវិស័យមួយនេះជាថ្មី។
ជាក់ស្តែងប៉ុន្មានថ្ងៃមុននេះ អ្នកនាង ឈុន រក្សា បានបង្ហោះរូបភាពប៉ុន្មានសន្លឹក ជាមួយនឹងម៉ូដសក់ពេញនិយម ដែលបវរកញ្ញាតែងតែធ្វើយ៉ាងស្រស់ស្អាត ដូចជាឱ្យដំរួយថាឆ្នាំនេះនាងអាចនឹងត្រឡប់មកឆាកប្រកួតជាថ្មីក៏ថាបាន។
គួររំឭកថា ក្រោយបញ្ចប់ការប្រកួត និង ទទួលបានតំណែងជាលំដាប់រងទី ១ Miss Universe Cambodia 2020 អ្នកនាង ឈុន រក្សា ក៏បានរយាលពីសិល្បៈមួយរយៈធំ និង សម្រាលបានកូនប្រុស ១ រូប បច្ចុប្បន្នកូនប្រុសអ្នកនាងមានអាយុជិត ៣ ឆ្នាំ ហើយ៕
