ជាការពិតណាស់ ជុំវិញរឿងរ៉ាវរបស់កំពូលតារាចម្រៀងស្រីអ្នកនាង មាស សុខសោភា ដែលបានផ្ទុះវែកញែកលើបណ្ដាញសង្គមប៉ុន្មានថ្ងៃកន្លងទៅ ទាក់ទិនរឿងជំនឿ និង ទំនាក់ទំនងរវាងស្វាមី មកទល់ពេលនេះនៅមិនទាន់ស្ងប់ស្ងាត់នៅឡើយ ខណៈមហាជនក៏បន្តចែករំលែកវែកញែកពាសពេញបណ្ដាញសង្គម។
ស្របពេលអ្នកគាំទ្រ មិត្តអ្នកសិល្បៈ ក៏ដូចជាអ្នកប្រើប្រាស់បណ្ដាញសង្គមចែករំលែក និង បង្ហាញមតិផ្សេងៗជុំវិញរឿងរ៉ាវរបស់ខ្លួន ឃើញថាកំពូលតារាចម្រៀងស្រីរូបនេះ ក៏នៅតែចេញវីដេអូថ្មីៗលើហ្វេសប៊ុកនិយាយបកស្រាយ និង ឆ្លើយតបទៅកាន់ការវែកញែកទាំងនោះជាបន្តបន្ទាប់ផងដែរ។
យ៉ាងណាមិញ បើទោះជារឿងរ៉ាវរបស់អ្នកនាង មាស សុខសោភា នៅតែបន្តជាប្រធានបទក្ដៅនៅឡើយ តែក្រឡេកទៅមើល លោក មាស សុខរតនៈ ជាបងប្រុស កាលពីថ្ងៃទី ១១ ខែឧសភា ឆ្នាំ ២០២៥ កន្លងទៅ ពោលគឺចំថ្ងៃ ទិវាគុណម្ដាយ លោកបានបង្ហោះរូបភាព ជាមួយនឹងអ្នកនាង មាស សុខសោភា និង អ្នកម្តាយ ព្រមទាំងក្រុមគ្រួសារពោរពេញដោយស្នាមញញឹម។ លើសពីនោះ រូបភាពនោះ លោក មាស សុខរតនៈ បានភ្ជាប់សារយ៉ាងមានអត្ថន័យថា៖ «លើសពីក្តីស្រឡាញ់ ទិវាអ្នកម្តាយ»៕
