មុនហៅលោកយាយ ត្រូវមើលសម្រស់មុនសិន អាយុ ៦៥ ឆ្នាំ តែសម្រស់មិនចាញ់ស្ត្រីខ្ទង់ ៣០-៤០ ឆ្នាំឡើយ។ ជាការពិត លោកយាយ ឈ្មោះ Lesley Maxwell និយាយថា អាយុគ្រាន់តែជាតួលេខ គាត់នៅទំនេរ និង ត្រៀមខ្លួនរួចរាល់សម្រាប់មានដៃគូ។ លោកយាយស្វាគមន៍តែបុរសក្មេងៗ ចំណែកប្រុសចាស់សុំធីបចោល។
ដោយសារតែសម្រស់ក្មេងវ័យ លោកយាយ Lesley Maxwell ថាជារឿយៗមានមនុស្សប្លែកមុខជាច្រើន តែងច្រឡំគាត់ជាបងប្អូនស្រីជាមួយចៅស្រីរបស់គាត់ ដែលមានអាយុ ២១ ឆ្នាំ។ បែបនេះហើយ ទើបលោកយាយតែងត្រូវបានបុរសអាយុខ្ទង់ ២០ ដល់ ៤០ ឆ្នាំ ចូលមកចែចង់ជានិច្ច។
បុរសដែលដឹងពីអាយុរបស់លោកយាយ គឺមានតែគ្រូបង្វឹកហាត់ប្រាណរបស់លោកយាយប៉ុណ្ណោះ។ លោកយាយថា គាត់មិនចាប់អារម្មណ៍បុរសចាស់ៗឡើយ ព្រោះពួកគេច្រើនតែខ្ជិល និង គ្មានភាពស្វាហាប់។ ចុះបុរសបែបណា ដែលលោកយាយត្រូវការ? ពិតប្រាកដណាស់ លោកយាយថា ប្រុសក្មេងអាយុខ្ទង់ ២០ ឆ្នាំ ទើបត្រូវចិត្ត ព្រោះពួកគេមានកម្លាំងពេញ រហ័សរហួន ចង់អ្វីភ្លាម ធ្វើហ្នឹងភ្លែត ជាពិសេស ក្មេងៗត្រូវនឹងល្បឿនរបស់លោកយាយ ទាំងនៅកន្លែងហាត់ប្រាណ និង ចេញទៅខាងក្រៅ។ ម្យ៉ាងប្រុសក្មេងនិយាយអ្វី វិជ្ជមាន ឆាប់ត្រូវគ្នា។
ដូច្នេះ សម្រាប់អ្នកត្រូវចិត្ត លោកយាយ Lesley Maxwell ត្រូវតែជាប្រុសក្មេង ចូលចិត្តលេងកីឡា ឬ ចូលកន្លែងហាត់ប្រាណ។ លោកយាយនិយាយយ៉ាងខ្លីទៀតថា បុរសដែលចង់ទាក់ទងគាត់ គឺត្រូវតែជាអ្នកចាប់ផ្តើមមុន ជាបុរសមានរាងកាយមានសុខភាពល្អ អាចតាមទាន់អ្វីដែលគាត់ចង់បាន និង មួយទៀត ចេះនិយាយលេងសើចឱ្យគាត់សប្បាយចិត្ត៕
ប្រភព៖ NYP
