លោកតាវ័យ ៧៨ ឆ្នាំ ត្អូញប្រាប់កូនថានឹកប្រពន្ធដែលស្លា./ ប់ទៅ តែកូនមិនចាប់អារម្មណ៍ លុះស្អែកឡើងគិ.តខ្លីនៅមុខរូបថតប្រពន្ធ

កាលពីថ្ងៃទី ២៣ ខែមេសា ឆ្នាំ ២០២៥ កន្លងទៅនេះ នៅ​ឯខេត្តអ៊ុដនថានី ប្រទេសថៃមានករណីការស្លាប់របស់បុរសចំណាស់ម្នាក់ ដែលបានត្អូញប្រាប់កូនថានឹកប្រពន្ធដែលស្លាប់ទៅ ចង់ទៅរស់នៅជាមួយ ស្រាប់តែស្អែកឡើងប្រទះឃើញចង-កស្លាប់នៅនឹងមុខរូបថតរបស់ប្រពន្ធ។

តាមព័ត៌មានបានឱ្យដឹងថា​ ប្រពន្ធរបស់បុរសចំណាស់នេះបានស្លាប់ទៅជាង ១០ ឆ្នាំទៅហើយ ដោយមានកូនប្រុសទាំងអស់ ៣ នាក់ ដែលសព្វថ្ងៃបុរសនេះបានរស់នៅជាមួយនឹងកូនប្រុសពៅដែលមានវ័យ ៥២ ឆ្នាំ។ កូនប្រុសពៅបានរៀបរាប់ថា ឪពុករបស់ខ្លួនមានជំងឺមហារីកពោះវៀនមកច្រើនឆ្នាំមកហើយ ហើយគាត់តែងតែទៅសម្រាន្តនៅវត្តជាញឹកញាប់ និងត្រឡប់មកផ្ទះម្តងម្កាល។ មុនកើតហេតុមួយថ្ងៃ ឪពុកបានត្អូញប្រាប់ថានឹកប្រពន្ធខ្លាំងណាស់ ចង់ទៅនៅជាមួយ ព្រោះតែទ្រាំឈឺចាប់នឹងជំងឺមិនបាន លុះស្អែកឡើងមិនឃើញឪពុកហូបបាយដែលខ្លួនបានទិញយកទៅឱ្យនៅឯវត្តសោះ ហើយក៏តាមរកដល់ផ្ទះ ទើបឃើញថាឪពុកបានចងកស្លាប់នៅក្នុងផ្ទះទៅហើយ។

យ៉ាងណាមិញ ក្រោយពីឃើញបែបនេះហើយ កូនប្រុសក៏បានប្រញាប់ផ្តល់ដំណឹងដល់អាជ្ញាធរឱ្យមកជួយអន្តរាគមន៍ត្រួតពិនិត្យ ហើយក៏មានអារម្មណ៍ថាសោកស្តាយជាខ្លាំង ដោយមិននឹកស្មានថាឪពុកគិតខ្លីបែបនេះឡើយ៕

ប្រភព៖ AMARINTV